GMN TV Justica e Segurança Membru F-FDTL tuir teste moras TBC

Membru F-FDTL tuir teste moras TBC

1 views

Funsionáriu Ministériu  Saúde  no  Migrasaun  Saúde International Organization for Migration (IOM) halo primeiru  screening  ba membru  FALINTIL  Forsa Defeza Timor-Leste (F-FDTL), hodi buka identifika moras Tuberculose (TBC), atu nune´e bele rekomenda hodi halo tratamentu  iha Hospital Nasionál Guido Valadares (HNGV).

Ekipamentu ne´ebé mak  uza  hodi detekta moras TBC  utiliza makina  raio-x.  Hafoin  hasai  raio-x, haruka  membru sira mear iha masa oan ida hodi lori ba iha Hospital Nasionál Guido Valadares (HNGV) hodi halo tratamentu.

Atividade  screening  hala’o  iha  Kuartel Jeneral FALINTIL Forsa  Defeza Timor-Leste (F-FDTL),  Díli, Tersa (23/10/18). No  abertura husi  Xefe Estadu  Maior Interinu  F-FDTL   Coronel  Calisto Santos `Coliati`

Liu husi  intervensaun Xefe Estadu  Maior Interinu F-FDTL   Coronel  Calisto Santos `Coliati`, husu   ba membru F-FDTL atu partisipa iha screening  moras TBC.

“Kuandu  membru  forsa armada  ruma mak hetan moras TBC.  Ha´u  hanoin  situasaun  ida ne´e ezijensia mai  ita, situasaun ne´ebé mak  importante tebes atu  ita bele konsidera. Ita atu ultrapasa moras ida ne´e  ohin oportunidade ba  ita.  liu husi oreganizasaun  de saúde mundial , liu husi IOM  hamutuk ho Ministériu Saúde fó oportunidade ba ita atu tuir teste . Tanba  liu husi teste mak bele identifika se mak hetan moras TBC, se mak la hetan moras TBC. Se karik  ita hetan moras TBC iha ne´e  te´nki foti medida preventiva  iha ne´e  ita nia diresaun de saúde responsavel saúde militar no nia iha kooperasaun ho Ministériu Saúde no mós organizasaun mundial  ne´ebé mak servisu iha saúde sei ajuda kria kondisoins  atu nune´e bele ajuda para responde ba moras TBC no mós moras seluk forsa armada atravesa”,esplika Xefe Estadu  Maior Interinu F-FDTL   Coronel  Calisto Santos `Coliati` liu husi diskursu  iha Kuartel Jeneral F-FDTL Fatuhada Díli.

Alende ne´e Reprezentante   Departementu   Central   Doenças  Contagiosas, Dotora, Justina Clarinha  João,  hateten, membru F-FDTL  fasil atu hetan moras TBC  tanba ema ruma mear no fani anin lori bele hadaet wainhira   sira hela  hamutuk iha  colegio ka asrama  ida  Presiza   halo  screening sedu   atu  detekta moras   ne´e. Tanba  moras TBC   bele kura se wainhira detekta sedu hodi ba halo tratatamentu   adeukuadu ho nutrisaun ne´ebé  mak di’ak, ema  ne´ebé mak hetan moras ne´e bele hetan fali isin diak.

``Ita nia maluk forsa sira hela hamutuk iha asrama. Wainhira   ita hatene TBC nia transmisaun moras husi ema ida ba ema ida  fasil tebes  liu husi anin, wainhira  ema ne´e mear, fani bele transmiti ona moras ne´e ba ema seluk.  Tanba  ne´e  mak objetivu halo  screening ida ne´e  atu detekta sedu moras ida  ne´e  ba  ita nia maluk sira. Tanba moras  TBC  iha nia kura, so wainhira ita halo detekta sedu  tratamentu adeukuadu ho nutrisaun ne´ebé  mak di’ak, ema  ne´ebé mak hetan moras ne´e bele hetan fali isin diak”,dehan Reprezentante   Departemento   Central   Doenças  Contagiosas,  Dotora  Justina Clarinha  João.

Nune´e Asistente Koordenadora ba programa ba saúde Migrasaun IOM  Ovania Mendonça  hateten,  IOM  ninia responsabilidade mak  atu detekta moras TBC uza makina  raio-x, maibe  tratamentu Ministériu  Saúde ninia responsavel.

``Médiku sira husi ami nian hotu  IOM no tratamentu husi Ministériu Saúde  mak iha  responsabildiade tomak”,Ovania Mendonça.avi


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker