Komando Polísia Nasional Timor-Leste (PNTL), Munisípiu Dili, autoriza Movimentu Universitariu Timor-Leste (MUTL) halo manifestasaun, maibe tenki ho distansia metru 100 husi edifisiu Parlamentu Nasional (PN).
Tanba ne’e MUTL sira konkorda hodi realiza manifestasaun iha area universitariu faculdade ekonomi Universidade Nasional Timor-Leste (UNTL) Sesta (26/10/18).
Ofisial Treinador Munisipiu Dili, Sarjentu Polisia Marcal Aly Metan, husu movimentu universitariu Timor-Leste atu mantein paz no estabilidade durante halo manifestasaun.
“Karta ne’ebé mak ba ne’e dehan halo manifestasaun iha kampus ekonomia, tenki tuir lei 100 metrus I tenki dook husi edifisiu Governu. Tanba ne’e mak ami mai para koordena ho sira, atu manifestasaun ne’e lao iha dame nia laran”,esplika Sarjentu Polisia Marcal Aly Metan, ba jornalista sira iha Resintu Parlamentu Nasional.
Entretantu manifestasaun ne’ebé mak organiza husi MUTL hodi ezije ba Parlamentu Nasional hapara sosa kareta foun ba deputadu kuatru lejislatura.
Alende ne’e husu atu dada kareta Prado husi eis deputadu tres lejislatura sira utuliza, atu entrega ba deputadu kuatru lejislatura uza hodi halo servisu no fiskalizasaun.
Tuir observasaun GMN nota katak, situasaun durante manifestasaun la’o kontroladu, tanba hetan seguransa masimu husi autoridade seguransa.avi
