GMN TV Justica e Segurança PNTL kaptura ona suspeitu oho Carlos da Costa iha Hera

PNTL kaptura ona suspeitu oho Carlos da Costa iha Hera

0 views

Polísia Nasionál Timor-Leste (PNTL) ezekuta mandadu Tribunal Distrital Díli (TDD), hodi kaptura ona suspeitu nain 4 ne´ebé mak deskonfia halo planu hodi oho matebian Carlos da Costa iha Hera, fulan  kotuk, oan husi Komandante Polísia Postu Hera, Munisípiu Díli.

Suspeitu sira ne’e mak ho inisial AC,LB,AG,no FH. Suspeitu nain ha’at ne´e PNTL kaptura Kuarta (03/10/18) iha Aldeia Mota-Kiik, Suku Hera, Munisípiu Díli, mais ou menus tuku 09 dadersan oras Timor-Leste.

Hafoin kaptura husi autoridade seguransa Munisípiu Díli, lori kedas suspeitu husi Hera mai Kuartel PNTL Díli hodi submete ba prosesu investigasaun no detein durante oras 72  iha sela detensaun Komando PNTL Díli, depois sei kontinua submete ba primeiru interogatoriu iha Tribunal Distrital Díli.

``Suspeitu sira mak ohin (horseik) dadersan kaptura husi Servisu Investigasaun Kriminal Munisípiu Díli  ho mós Polísia Postu Hera nian,   ne´ebé halo operasaun ida.  Operasaun ne´e bazeia ba mandadu detensaun husi Tribunal nian,  relasaun ho kazu akontese iha 16, ema oho joven ida iha Hera. Tanba ne´e mak  mandadu ne´e sai horseik no ohin  ita ezekuta kedas konsege kaptura ona ema nain hat ne´ebé mak oras ne´e detein hela iha ami nia sela, oras ne´e ami nia servisu investigasaun halo servisu hodi kompleta dokumentu hodi aprezenta ba Tribunal``,esplika Komandante PNTL Munisípiu Díli Superintendente Xefe Pedro Belo, ba jornalista sira Kuarta (03/10/18) iha Kuartel PNTL Díli.

Entretantu Carlos da Costa mate ho  idade tinan sanulu resin hitu oan husi   Komandante Postu Polísia  Hera, Domingos Costa Lay.

Antes kazu ne´e akontese, iha Sabadu  kalan (15/09/18) Carlos da Costa ho nia kolega sei partisipa  festa koremetan ida iha  Aldeia Mota Kiik Hera, depois   Domingu (16/09/18)  tuku 03 madrugada oras Timor-Leste,  Carlos da Costa ho Beti Manuela  Tilman ba koalia  iha eskola Sekundaria  Vocasional Hera, derepenti suspeitu tuku  Carlos da Costa monu ba rai no suspeitu aproveita dada Beti Manuela Tilman ba eskola Sekundaria Vokasional kotuk tenta atu halo violasaun seksual hasoru vitima Beti,  wainhira Carlos da Costa tenta atu salva vitima Beti, maibe suspeitu kaer tudik sona kedas ba Carlos da Costa nia kabun no  labele salva  nia vida.avi


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker