GMN TV Justica e Segurança Tinan oin, Governu harii Tribunal Militar

Tinan oin, Governu harii Tribunal Militar

0 views

Governu liu husi Ministériu Defeza planeia ona atu harii Tribunal Militar iha tinan oin 2019, maibé Tribunal Militar ne’e sei tau iha Tribunal Distrital Díli nia okos.

Ministru Defeza, Filomeno Paixão, hateten, Tribunal Militar  ne’e presiza tebes atu harii, maibé la presiza atu gasta osan bo’ot.

Tuir Filomeno Paixão katak, planu harii Tribunal Militar ne’e, Governu sei realiza iha tinan oin, tanba krime militar labele julga iha tribunal sivil.

“Maibé krime hanesan ne’e ema nain hira, dalaruma tinan ida ita halo julgamentu ba ema rua tolu de’it, entaun ida ne’e presiza tribunal bo’ot ida, ida ne’e ita gasta fali osan atu halo uma no instalasaun di’ak ,maibé ema la ba halo julgamentu. Entaun ha’u hanoin atu hasa’e ba Konsellu Ministru katak, Tribunal militar ne’e, naran iha seksaun ida iha tribunal sivil”,katak Filomeno Paixão ba jornalista sira iha Palásiu Governu Dili, foin lalais ne’e, hafoin hasoru malu ho Primeiru Ministru, Taur Matan Ruak.

Nia esplika, Tribunal Militar ne’e atu halo julgamentu ba militar sira ne’ebé komete krime militar, la’os krime normal.

“Hanesan fa’an kilat, munisoens, lori kilat ba tiru rusa mós krime militar, halai so’e hela servisu fulan nen ka tinan ida, presiza halo julgamentu iha tribunal militar”, afirma Filomeno Paixão.

Nia haktuir, Tribunal militar ne’e juiz lalika ema militar mós diak, maibé kódigu sira ne’e mak tenki mai husi militar.

Filomeno Paixão esklarese, nia sei aprezenta planu ida ne’e iha Konsellu Ministru hodi hetan apresiasaun no aprovasaun, atu bele implementa iha tinan oin.cos


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker