Tentara Nasional Indonesia (TNI), hala’o asaun tiru ameasa hasoru aviaun helikopteru Timor-Leste (TL) nian ne´ebé mak halo peskiza ba rikusoin Timor nian, wainhira ultrapassa fronteira Naktuka-Oecusse.
``Ida ne´e inisiu kedas, momentu ida ultrapassa fronteira, TNI sira fó informasaun katak aviaun ne´e ultrapasa, sira mós ameasa, ita fó informasaun aviasaun nia responsabilidade. Helikoptru ne´e dehan Indonesia nian ita aluga ne´e informasaun hodi halo peskiza, mas kuandu atu ultrapasa fronteira ne´e ténkiser iha koñesimentu, mas ita la iha koñesimentu ema halo asaun. Iha tempu ne´eba informa ona ba aviasaun no aviasaun husu diskulpa. Ha´u senti loron seluk atu ultrapasa ema nia fronteira presiza informasaun para sira hatene``,esplika Komandante Jeral PNTL, Komisariu Julio Hornay, ba jornalista sira, Kinta (04/10/18), hafoin enkontru ho Prezidenti Repúblika, Francisco Guterres ‘Lú Olo’ iha Palásiu Prezidensial, Bairo-Pite, Díli.
Antes ne´e, TNI ho Polísia Unidade Patrulhamento Fronteira halo kooperasaun di’ak tebes hodi kontrola movimentu merkadu ilegal iha fronteira, maibe tuir informasaun husi fontes balun katak, TNI agora dadauk alerta maka´as los iha lína fronteira.
To´o notísia ne´e publika, GMN seidauk konfirma ho servisu aviasaun sivil kona-ba kronolojia akontesimentu ne’e.avi
