Governu liu husi Konsellu Ministru (KM) halo alterasaun ba estatutu Ministériu Públiku (MP), hodi rezolve lakuna ne’ebé akontese iha MP durante ne’e.
“Alterasaun projetu proposta lei ne’ebé aprezenta husi Ministru Justisa (MJ), Manuel Cárceres da Costa kona-bá estatutu foun MP nian, projetu proposta lei ne’e ho objetivu atu atualiza estatutu profisionál MP nian ne’ebé laiha alterasaun dezde tinan 2011, hodi rezolve lakuna sira ne’ebé deteta durante tinan hirak liu ba”, dehan, Ministru Prezidénsia Konsellu Ministru (MPKM), Fidelis Leite Magalhães, iha Palásiu Governu, Kuarta (14/10/2020).
Governante ne’e esplika, ho estatutu foun ne’e Governu hakarak atu asegura objetivu esensiál tolu, hanesan reforsu autonómia MP, modernizasaun no adekuasaun ba nia orgánika ba ezijénsia atualidade no dezempeñu tomak ba funsaun ne’ebé konstitusionalmente atribui ba no reestruturasaun ba respetiva kareira profesionál.
“Ho hanoin atu reforsa kondisaun MP, hodi kontinua kontribui ba administrasaun ne’ebé di’ak iha justisa ho prestasaun servisu ida ne’ebé efisiente, oportunu, izentu, kredivél, objetivu no justu,” tenik Fidelis. Cin
