Ministru Defeza (MD), Filomeno Paixão, informa, pistola ba Polísia Sientífika Investigasaun Kriminál (PCIC-Sigla Português), to’o ona Timor-Leste (TL).
Tuir Filomeno Paixão, membru PCIC iha direitu hodi uza arma hirak ne’e bainhira iha nesesidade no hetan autorizasaun husi instituisaun.
Membru PCIC bele uza arma hodi proteje sira nia-an bainhira, halo atuasaun ba problema ruma akontese iha terenu.
“PCIC instituisaun ida ne’ebé aprovadu iha Konsellu Ministru para lori no uza kilat, la’os kilat boot, la’os kilat naruk, sira uza pistola, pistola ha’u rona dehan mai hotu ona aprovadu ona husi Governu, aprovadu iha Konsellu Ministru ita implementa de’it, ita uza ita hotu iha regra empeñamentu la’os kaer para atu tiru arbiru só uza iha tempu ne’ebé nesesáriu, tanba PCIC todan tebes, PCIC la’os halo servisu ne’ebé intelijénsia militar servisu, sira nia servisu sofistikadu tebe-tebes to’o krime sira ne’e, ita matan de’it la konsege hetan ne’e só sira mak bele detekta i sira bele hetan impedimentu barak iha sira nia servisu, tanba ne’e Estadu ou Governu tur halo di’ak i deside para sira tenke iha protesaun”, dehan, Ministru Defeza, Filomeno Paixão, iha Palásiu Prezidensiál Nicolau Lobato, Bairo -Pite, Tersa (13/10).
Modelu membru PCIC atu uza arma hirak ne’e mak tenke hetan autorizasaun, tanba instituisaun ida-idak iha nia regra empeñamentu rasik. Ina
