Juíz Administradór Tribunál Distritál Díli (TDD), Afonso Carmona, hatete, krime Violénsia Doméstika (VD) rejista aas tebes iha TDD, kompara ho kazu sira seluk.
Tuir Juíz Administradór TDD ne’e subliña, fatór ne’ebé hamosu kazu VD kontinua aumenta, tanba utiliza sala Média Sosiál (MédSos) no mós degradasaun morál família nian menus.
“Uluk ita dehan fatór ekonomia, maibé ikus-ikus ne’e mosu fali buat ida selingkuh ‘amante’ ne’e mak maka’as fali, tanba influénsia husi média eletrónika sira, bele liu husi handphone, ne’e mós problema hotu”, dehan Afonso Carmona iha nia kna’ar fatin, Mandarin-Díli, Segunda (05/10/2020).
Juíz ne’e mós informa, alende fatór MédSos, kazu VD aas ne’e mós, tanba nia natureza krime balun mai husi krime omisídiu, violasaun seksuál, maustratu ba menór no ofensas korporais.
Iha tinan ne’e, husi fulan Janeiru to’o Setembru, tinan ne’e, TDD rejistu ona krime VD hamutuk 284. san
