GMN TV Justica e Segurança Bosok ema ba servisu iha Austrália, PNTL identifika feto ida

Bosok ema ba servisu iha Austrália, PNTL identifika feto ida

230 views

Polísia Nasionál Timor-Leste (PNTL) Eskuadra Dom Aleixo, hala’o  identifikasaun ba sidadaun  feto ida ho naran inisiál AMS,  ne’ebé deskonfia falsifika dokumentu hodi bosok ema hatama osan, molok haruka ba servisu iha Austrália.

Sidadaun feto ne’e, husi Munisípiu Ermera, ekipa PNTL akompaña kedas husi Diretór Nasionál Empregu Exteriór, Filomeno Soares ho nia funsionáriu balu, ba foti sidadaun ne’e iha nia rezidénsia Fomentu I, Suku Comoro, Postu Administrátivu Dom Aleixo, Munisípiu Díli, hodi submete ba prosesu identifikasaun iha eskuadra PNTL Dom Aleixo.

“Ami hanesan Estadu nia aparellu, ami prontu halo servisu ida ne’e, maibé prosesu ida ne’e, prosesu identifikasaun, bainhira ami foti informasaun hotu, foin deklara ema ne’e suspeitu ka lae? Wainhira  iha indisius forte ami sei rekomenda ba iha Ministériu Públiku, foin foti desizaun,” esplika Komandante Eskuadra Dom Aleixo, Inspetór Asistente Americo Fátima da Costa, ba GMN, Kuarta (06/10), iha Eskuadra Dom Aleixo.

Prosesu identifikasaun ne’e, bazeia ba keixa ne’ebé aprezenta husi husi SEFOPE ba PNTL, katak vítima balu aprezenta evidensia kona-ba aktu sidadaun AMS nian hanesan kobra osan, falsifika dokumentu no asinatura ba servisu iha Austrália.

Diretór  Nasionál Empregu Exteriór Filomeno Soares, hatete, prosesu atu ba servisu iha Austrália no Korea laiha ajénsia ka individu ruma mak prepara prosesu sira, maibé ne’e hetan tratamentu espesiál husi Governu rasik, kona-ba prosesu hotu.

“Ohin halo kapturasaun alin feto ida mak ami hetan evidénsia, liu husi vítima  sira  ne’ebé mak  nia halo kobransa, entaun uza  tan ha’u nia naran  asina falsu dehan ha’u mak haruka halo pungutan liar ida ne’e, entaun ho evidénsia  iha ha’u nia liman, ha’u hakarak deklara ba públiku, agradese ba Komandante Eskuadra Dom Aleixo nian, ami hamutuk hodi halo kapturasaun ba ida ne’e,” dehan Filomeno Soares.

Nune’e mós vítima Otélia Gonçalves konsege hatama osan ho montante $400, ba iha suspeita  nomós dokumentu atu ba servisu iha Austrália, maibé kleur ona laiha rezultadu.

“Atu bosok ka la bosok ami la hatene, tanba nia mai fó hatene de’it imi hakarak ba Austrália, imi tuir ha’u, imi hatama osan, hatama foto, hatama ho kartaun eleitorál, depois imi hein de’it. Ha’u sei husu nia apakah ita atu ba nasaun seluk la presiza pasaporte nia  dehan la uza pasaporte. Imi nia dokumentus iha ona, imi hatama osan hodi uza imi nia pasaporte, kona-bá kesehatan mak osan ne’e ona. Ha’u hatama USD 400, ha’u ho alin feto no mane ida ami na’in tolu  hatama osan hamutuk 1,200, ami hatama osan fulan haat liu ona, so ha’u mak kompleta ona fulan haat, maibé alin na’in rua tinan ida ona,” dehan vítima.

Vítima José Maria dos Santos, haktuir nia parte rona informasaun husi sidadaun AMS katak, hatama osan no dokumentu atu ba servisu iha Austrália, nune’e nia deve osan hodi entrega ba sidadaun ne’e. Maibé iha prosesu ne’e la presiza fali pasaporte, nune’e halo nia dúvida, tanba atu priense visa presiza pasaporte.

“Tuir fali mai, nia dehan ami simu kartaun ida atu ba derepente, ha’u  haree kartaun ne’e diretór nia naran, asina mós la sai loloos, depois karimbu laiha, entaun ha’u ba konfirma ho diretór Filomeno Soares, ita koñese kartaun ne’e karik, espalla iha komunidade nia le’et dehan ita bo’ot organiza ida ne’e, nia dehan ne’e sala. Entaun ha’u bolu kolega sira ba iha office SEFOPE, diretór dehan ne’e la’ós ha’u mak kria kartaun ida ne’e, la’ós ha’u mak asina, entaun diretór ne’e foti medida ida hodi prosesa kazu ne’e. Ha’u  tau USD 300,  husu atu fó fila-fali,”dehan José Maria  dos Santos.avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker