GMN TV Justica e Segurança Funsionáriu ida deskonfia fa’an atributu uniforme F-FDTL no PNTL

Funsionáriu ida deskonfia fa’an atributu uniforme F-FDTL no PNTL

546 views

Tribunál Distritál Díli (TDD), hala’o julgamentu ba arguidu ho inisiál MNP, nu’udar funsionáriu publiku iha Provedoria Direitus Humanus no Justisa (PDHJ), tanba importa no fa’an farda militar F-FDTL no PNTL ne’ebé laiha autorizasaun legál.

Tuir kronolojia ne’ebe lee sai husi juíz prosesu katak, iha loron 16, fulan Fevereiru, tinan 2018, polísia direitamente ba arguidu nia hela fatin hodi konfirma, maibé prova hatudu katak, arguidu sosa farda militár F-FDTL no PNTL husi Indonézia hodi hatama mai iha Timor-Leste liu husi ajensia RTD, maske arguidu la’os kompañia ne’ebé manan tender ba hola fardadu husi instituisaun rua ne’e.

No arguidu laiha autorizasaun legál husi servisu Alfándega atu hatama sasan importasaun no atributu uniforme militár no seguransa.

Arguidu nu’udar autór ba krime Kontra Bandu ne’ebé previstu no punidu iha artigu 316 kódigu penál.

Iha artigu ne’e, númeru 1 hatete, Ema ne’ebé la halo liu hosi Alfándega ka hosi kontrolu seluk tan obrigatóriu ba merkadoria ne’ebé tama ka sai hosi Timor-Leste nia territóriu bem ka merkadoria ne’ebé nia importa ka exporta sei hetan pena prizaun tinan 2 too tinan 6 ka multa.

Númer 2 mós sira, kuandu bem ka merkadoria iha valór aas-liu dolar amerikanu 10.000 ka ajente pratika faktu sira deskritu iha númeru anteriór abitualmente sei aplika pena prizaun tinan 2 too tinan 8 ka multa.

Iha audiensia ne’e, arguidu MNP rekoñese, nia fa’an duni iha nia uma no sasan sira ne’e fasilita husi ajensia RTD hodi hatama, hafoin nia ba foti sasan ne’e iha ajensia RTD no banhira nia ba foti sasan hirak ne’e, nia selu sasan ne’e tuir todan sasan nian.

“Ita pesan husi indonézia liu husi Kupang depois mai iha Timor-Leste liu husi ajensia RTD, hau ba foti sasan ne’e iha RTD hau selu ba RTD tuir roupa nia todan ka kilograma, maibé kona-ba sasan ka farda militár F-FDTL no PNTL ne’e hau la selu taxa no laiha lisensa kompañia, banhira hau ba foti,” konfesa arguidu MNP  iha sala julgamentu, TDD Segunda (04/10).

Arguidu hatete tan, uniforme ne’ebé nia order, membru Polísia Batallaun Ordem Públiku (BOP) balu mak hameno, maibé la temi membru BOP ne’e nia naran.

Kazu ne’e Tribunál adia fali ba loron 18, fulan Outubru, tinan ne’e hodi rona sasin balu.

Audiénsia ne’e prezide husi juíz koletivu Argentino Nunes, António Gonsalves, Álvaro Freitas, Ministériu Públiku reprezenta husi prokudór Aderito Tilman no arguidu hetan asisténsia legál husi Defensór Públiku Manuel Exposto.Tos


Banner

Foto

Notisia Ikus

Armanda Berta deklara kandidata-an ba PR, promete kumpre deit K-RDTL

January 21, 2022
Prezidente Partidu Kmanek Haburas Unidade Nasion...

Laiha konbustível ba kareta funeráriu, PN kritika MSSI halo servisu la hatene

January 21, 2022
Parlamentu Nasionál (PN), kestiona maka’as ka...

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker