GMN TV Justica e Segurança Komisaun rekrutamentu F-FDTL elimina kadete na’in rua, ida rezigna-an

Komisaun rekrutamentu F-FDTL elimina kadete na’in rua, ida rezigna-an

190 views

Xefe Estadu Maiór Jenerál FALINTIL-Forsa Defeza Timor-Leste (F-FDTL) Tenente Jenerál Lere Anan Timur hatete, komisaun rekrutamentu F-FDTL elimina ona kadete na’in rua, tanba laiha sinseridade no onestidade.

“Membru na’in rua ne’e iha razaun para hasai ka lae? iha razaun para hasai  agora ha’u labele hatete dehan tanba saida mak hasai? porque ne’e hasai hasai duni, porque ne’ebá ne’e iha kritéria balun ne’ebé ke sé mak atu bele tama forsa armada, inan-aman se iha liur la bele tama, ema la sinseru labele tama honestidade, sinseridade lealdade, sé o dehan katak ha’u na’ok ten ha’u na’ok ten duni, uluk hau joven ne’e na’ok ida ne’e, o labele mai dehan o la na’ok ten depois ema deskobre fali o na’ok ten ne’e mak kona-ba sinseridade ne’e mak militár,” relata Lere Anan Timur, hafoin hasoru malu ho Prezidente Repúblika, Francisco Guterres Lú Olo, iha Palásiu Prezidensiál Aitarak-laran Díli, Kuarta (06/10).

Nia dehan, sidadaun ne’ebé hakarak involve-an iha forsa armada, tenke iha patriotismu, nasiónalismu no labele involve iha grupu arte marsiál (GAM).

Antes ne’e, eis kadete nain rua ne’ebé elimina, deklara lamenta ho tratamentu komisaun rekrutamentu F-FDTL, tanba iha loron 22 fulan Setembru ne’e elimina ona sira nain rua,  maibé bolu nafatin sira nia naran iha kuartel jenerál Fatuhada hodi kontinua ba Metinaro.

Maibé to’o Sentru Formasaun Treinu F-FDTL Metinaro, komisaun rekrutamentu verifika hikas lista kadetes no sira na’in rua nia naran laiha fali lista, nune’e komisaun haruka sira fila fali.

Kadete foun F-FDTL ida rezigna-an

Kadete Foun FALINTIL-Forsa Defeza Timor Leste (F-FDTL) ida tinan 20, husi Minisípiu Lautém, deside rezigna-an, tanba la aguenta ho sistema militár ne’ebé aplika iha Sentru Formasaun Treinu F-FDTL Metinaro.

“Ha’u informa kona-ba rekrutamentu, rekrutamementu hahú ona, hahú loron rua ou loron tolu liu ba simu farda sira komesa saida, í ate agora hotu-hotu di’ak, ida mak deziste, tanba la toman ho situasaun militár,” informa Xefe Estadu Maiór Jenerál F-FDTL, Tenente Jenerál Lere Anan Timur, hafoin hasoru malu ho Prezidente Repúblika, Francisco Guterres Lú Olo, iha Palásiu Prezidensiál Aitarak-laran Díli, Kuarta (06/10).

Lere Anan Timur mós hasai ona diretiva ida ba rekrutamentu hotu-hotu durante loron 30 katak, kadete ne’ebé hakarak deziste bele deziste, maibé liu ona loron 30 maka sei laiha tan kadete ida atu deziste.

Kona-ba substituisaun, komisaun rekrutamentu sei subtitui ema na’in ida, hodi halo kompleta númeru kadete 600 molok halo juramentu, tanba formasaun seidauk kompleta fulan ida.

Antes ne’e kadetes hamutuk 600 tama ona iha Sentru Formasaun Treinu F-FDTL Metinaru kompostu husi kategoria rejime espesiál hamutuk 283, no rejime jerál hamutuk 317.Ben


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker