GMN TV Justica e Segurança PM Taur: Mahoka sai ezemplu ba emprezariu sira seluk

PM Taur: Mahoka sai ezemplu ba emprezariu sira seluk

420 views

Primeiru Ministru (PM), Taur Matan Ruak, husu ba kompañia sira ne’ebé halo operasaun iha Timor-Leste bele banati tuir ezemplu emprezáriu Salvador Mahoka, ne’ebé konstrói gratuita Postu Polísia Tránzitu neen iha Munisípiu Díli.

“Ha’u hanesan Ministru Interior hakarak parabeniza na’i Mahoka nia oferta ba iha instituisaun PNTL, espera katak, ezemplu ida ita boót fó ne’e kompañia sira seluk ne’ebé dadaun ne’e opera iha Timor bele banati tuir ida ne’e,” PM Taur nia diskursu, bainhira inaugura Ponstu Polísia Tránzitu nian ne’ebé Mahoka konstrui iha Bairu Pité, Díli, Kuarta (13/10).

Komandante Jerál Polísia Nasional Timor-Leste (PNTL), Komisáriu Faustino da Costa, lori instituisaun PNTL nia naran, fó agradesimentu ba Mahoka ne’ebé laran luak oferese gratuita obra ne’ebé diak ba PNTL, hodi hala’o servisu.

“Ami agradese ba Mahoka nia laran luak ida  ne’e, halo postu tránzitu hodi halo servisu” agradese.

Diretór Kompañia Rudal, Mahoka, hatete, halo postu tránzitu ne’e la’ós buat boot ida, maibé tanba ho espíritu nasionlizmu ba rai ida ne’e mak halo nia hakarak dezenvolve mos rai ida ne’e husi kontribuisaun ne’ebé nia hetan ba nasaun.

“Ha’u halo ne’e la’os buat boot ida, maibe ki’ik-oan ida, maibé hakarak halo dezenvolvimentu ba ita-nia rai atu sai di’ak” dehan Mahoka.

Postu Tránzitu ne’ebé inauguradu ne’e, harii iha fulan Marsu, tinan ne’e, no orsamentu ba konstrusaun ne’e mai husi Mahoka, inklui mós nia traballadór sira.

Postu Polísia Tránzitu hirak ne’e hamutuk neen ne’ebé lokaliza iha Bairu-Pité, Kolmera, Terminal Becora, Hotel Timor, no Merkadu Lama.GMN


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker