GMN TV Justica e Segurança PN kestiona PolTranz “falla”, Komandante PolTranz husu Deskulpa

PN kestiona PolTranz “falla”, Komandante PolTranz husu Deskulpa

230 views

Parlamentu Nasional (PN) liu husi Deputadu Komisaun B ne’ebé trata asuntu Defeza Seguransa no Negásiu Estranjeiru, Adérito Hugo da Costa, hatete, Polísia Tránzitu (PolTranz) falla totál hodi jere movimentu rodoviária, nune’e hamosu engarafamentu boot, bainhira Governu inaugura Postu Polísia Tránzitu sira ne’ebé oferese gratuita hosi emprezáriu Salvadór do Rego Mauhoka.

Adérito hateten, fallansu ne’e hanesan esperiénsia ida ba Tránzitu ne’ebé iha espesialidade ba área ne’e rasik, atu bele kuidadu liu tan ba futuru, bainhira iha serímonia ne’ebé utiliza espasu públiku.

“Em prinsípiu hanesan prestaun ba setór privadu sira nia vontade para ajuda halo espasu apropriadu ba servisu tránzitu sira nian, kestaun ida mak perturba tiha tráfiku iha oras servisu nian, la podia organiza didi’ak hosi parte Tránzitu ninian. Se organiza didi’ak, movimentu sei la paralizadu hanesan horiseik (horibairuak) ne’e. Serimonia ne’e buat di’ak ida, ajuda Governu, liuhosi servisu tránzitu nian,  maibe tanba organiza ladi’ak, ema la haree tiha ba nia valór ne’e, maibe ema haree liu fali ba ita-nia inkapasidade jestaun hodi jere tráfiku ninian. Ne’e iha situasaun normal, se no kazu iha atividade prinsipál seluk iha, ne’e ita impede tiha, iha inisiativa atu halo atividade ruma ne’ebé perturba fali ema seluk, tenke organiza halo didi’ak, se ita organiza didi’ak, sei la mosu engarrafamentu ida demaiziada ida hanesan ne’e,” hatete Deputadu Adérito ba jornalista iha PN, Kinta (14/10).

Deputadu bankada FRETILIN, David Dias Ximenes Mandati nu’udar mós membru komisaun B reforsa , tuir loloos parte kompetente haree maneira ne’ebé di’ak liu hodi halo inagurasaun nune’e la prezudika movimentu ema seluk nian.

“Buat ida ne’e ha’u hakarak onestu de’it, ema sosiedade komersiál ne’e, ema nunka fó buat ida de graça, horiseik (horibainruak) ne’e dehan katak, tanba halo inaugurasaun postu ida ne’ebé Sr.Mauhoka halo ba polísia ne’e mak halo inaugurasaun, hodi prejudika sosiedade iha Díli halo engarrafamentu, Sr. Mauhoka ne’e bisnis, saida mak nia hein hosi polísia ha’u lahatene, maibé ne’e Sr. Mauhoka ho polísia mak hatene,” tenik Mandati.

Inagurasaun postu polísia ne’e, partisipa direta hosi Primeiru Ministru, Taur Matan Ruak, Vise Ministru Interiór, António Armindo, Komandante Jerál PNTL, Komisáriu Faustino da Costa no konvidadu seluk tan.

Postu polísia ne’ebé kompañia RUDAL oferese ba instituisaun PNTL, liu-liu Polísia Tránzitu hamutuk neen, iha sidade Díli, hanesan iha Bairro Píte, Terminal Becora, Hotel Timor oin,  Sentru Konvensaun Díli oin no ida iha Colmera Prokuradoria Jeral Republika nia oin.

Komandante PolTranz husu deskulpa ba komunidade

Komandante Polísia Tránzitu (PolTranz) Munisípiu Díli, Inspetór Domingos Sarmento, husu deskulpa ba komunidade sira iha kapitál Díli no no rekoñese iha fallansu, relasiona ho engrafamentu iha Díli Sentrál ne’ebe akontese kuaze oras lima nia laran, halo komunidade sira lamenta.

“Ha’u hanesan komandante Polísia Tránzitu Munisípiu Díli husu deskulpa ba komunidade sira ne’ebe mak hela iha kapitál Díli. Nafatin rekoñese ne’e hanesan erro ida, maibe ida ne’e atividade Governu nian. Depois atividade ida ne’e iha duni estrada públiku, tamba iha postu  seguransa rodaviáriu nian no postu ne’e mos estabelese duni iha Estrada ne’eba entaun atividade ne’e ita halo duni durante oras 4 porvolta oras lima nia laran, blokeia no taka duni estrada públiku liu-liu iha kapitál Díli partense iha área Bairo-Pité nian, hodi hamosu engrrafamentu,” husu deskulpa, Komandante Polísia Tránzitu Munisípiu Díli, Inspetór Domingos Sarmento.Say/Ano


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker