GMN TV Justica e Segurança PNTL detein membru PSIK ida

PNTL detein membru PSIK ida

355 views

Komando investigasaun Polísia Nasionál Timor-Leste (PNTL), Munisípuiu Díli detein  membru Polísia Sientífika Investigasaun Kriminál (PSIK) ida iha sela, tanba  membru ne’e tenta impede PNTL nia servisu iha terrenu.

Komandante PNTL Munisípiu Díli, Superintendente Xefe Henrique da Costa informa, iha Segunda (04/10) kalan, ekipa investigasaun Munisípiu Díli hala’o operasaun ba fatin jogu bola guling iha kapitál Díli, no ekipa konsege hetan grupu ida joga hela bola guling iha área Dom Bosco Comoro nian.

“Ekipa hetan grupu ida joga hela bola guling iha ne’ebá, ita-nia ekipa hala’o operasaun ba iha ne’ebá, iha ema ida mak tenta  impede servisu PNTL ninian, depois de halo identifikasaun ema ne’e hateten nia nia mós servisu iha PSIK, entaun ita tenta para hakalma situasaun, maibé nia nafatin la koopera, nia halo tan ita-nia membru ida to’o ulun kanek, entaun ita bolu lori mai iha Komando Munisípiu Díli hodi halo prosesu identifikasaun,” Komandante PNTL Munisípiu Díli Superintendente Xefe Henrique da Costa, ba jornalista sira liu husi konferénsia ba imprénsa, Tersa (05/10), iha  Caicoli.

Halo tiha identifikasaun, komando Munisípiu Díli konsege detein membru PSIK ne’e iha sela detensaun hodi kumpre oras 72, molok submete ba prosesu Primeiru Interrogatóriu iha Tribunál Distritál Díli (TDD).

Ho detensaun membru PSIK ne’e, Henrique da Costa, husu ba  komunidade labele impede servisu bainhira hala’o intervensaun ba jogu bola guling iha terrenu.

“Ita atu hatete katak, se de’it mak impede servisu Polísia nian, ne’e kontra lei, ita foti medida hodi prosesu,”dehan Henrique da Costa.

Parte uma-na’in ho na’in ba bola guling, hala’o ona  prosesu identifikasaun durante oras 12, hafoin haruka fila ba uma. Tanba Bola Gulung na’in iha dokumentu balun husi inspesaun jogu nian.

Ho detensaun membru PSIK ne’e, GMN tenta to’o iha edifísiu PSIK nian iha Caicoli hodi hala’o konfirmasaun, maibé parte PSIK la fó esplikasaun, tanba hakarak rona uluk deklarasaun  husi komando PNTL Díli.avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker