GMN TV Justica e Segurança Rekursu umanu iha tribunál sira menus

Rekursu umanu iha tribunál sira menus

26 views

Prezidente Asosiasaun Majistradu Judisiais Timor-Leste (AMJTL), Antónino Goncalves, relata, durante pandemia COVID-19, númeru kazu iha Tribunál Distritál sira iha Timor-Leste pendente barak, tanba menus rekursu umanu hanesan juíz, hodi aselera prosesu hotu.

“Kazu barak mak pendente ne’e normal tanba COVID-19, rekursu umanu la to’o-ne’e mak ohin ha’u dehan buat balun tenke hadia, aumenta rekursu umanu ne’e mak Sentru Formasaun rekruta tan juíz foun atu rezolve problema sira ne’e, maibé la’os atu sobu,” dehan Prezidente AMJTL ne’e, hafoin hasoru malu Prezidente Repúblika (PR), Francisco Guterres Lú Olo Kinta (21/10), iha Palásiu Prezidensiál Bairo-Pité, Díli.

Dadus ne’ebé iha Tribunál Rekursu no Tribunál Distritál haat, hanesan Díli, Baucau, Covalima no Oecusse iha deit juíz hamutuk 35.

Antes ne’e dadus ne’ebéGMN asesa iha Tribunál Distritál Díli (TDD), husi inísiu tinan 2011, lei penál tama iha vigor, to’o fulan Juñu tinan 2021, Tribunál primeira instánsia ne’e, rejista prosesu krime hamutuk 13.811. Husi númeru ne’e tribunál konsege julga ona kazu hamutuk 12.143, no dadaun ne’e kazu krime pendente hamutuk 1.668, maibé seidauk konta ho Tribunál Baucau, Covalima no Oecusse.

AMJTL preokupa proposta lei Organizasaun Judisiária la tuir K-RDTL

Iha sikun seluk, AMJTL mós preokupa proposta lei númeru 28/3­a kona-ba Organizasaun no Funsionamentu Tribunál sira, ne’ebé hatur mós komisaun rekrutamentu iha proposta lei ne’e. Tanba ne’e AMJTL konsidera la tuir lei inan Konstituisaun Repúblika Demokrátika Timor-Leste (K-RDTL) haruka.

“La tuir tanba konstituisaun fó ona knaar ne’e ba Konsellu Superior Majistratura Judisiál, labele órgaun sira seluk hatama fali atu hasai tiha knaar ne’e, ne’e mak la tuir, no viola ona prinsípiu independénsia juíz sira nian” tenik nia.

Preokupasaun ne’e Prezidente Repúblika (PR) Francisco Guterres Lú Olo simu no sei tetu tuir direitu prerrogativu Xefe Estadu nian iha lei inan.Ade


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker