GMN TV Justica e Segurança Ró F-FDTL rua laiha manutensaun besik tinan hitu

Ró F-FDTL rua laiha manutensaun besik tinan hitu

211 views

Ró-ahi Komponente Naval FALINTIL-Forsa Defeza Timor-Leste (F-FDTL) rua besik ona tinan hitu la halo operasaun, nune'e para deit iha Portu Komponente Naval Hera, tanba seidauk halo manutensaun.

Ró rua ne’e Komponente Naval sira uza hodi hala’o patrullamentu, hahú iha tinan 2010, maibé to’o tinan 2015 para deit, tanba presiza halo manutensaun.

“Ró rua ne’e tama ba iha faze halo manutensaun jerál, maibé ida ne’e de’it mós la to’o, ita hakarak ne’e liu ida ne’e para depois asegura ita-nia fronteira ne’ebé define ona ho Indonézia seidauk  iha kapasidade ita-nia intervensaun ne’e atu to’o iha ne’ebá, ita hanesan país ukun-an ita tenke iha kapasidade para intervein iha nível rejionál em termos iha tasi no iha internasionál. Dezde 2015 halo manutensaun  nia hetan sofre, tanba ida ne’e kuaze tinan barak ona, maibé ami sei hein katak  iha tempu badak sei halo manutensaun jerál,” esplika Komandante Komponente Naval Lijeira Kapitaun Fragata João da Silva, ba jornalista sira Segunda (25/10), iha Komponente Naval Hera.

Ro-ahi rua ho tipe 062 Class, ne’ebé mak, Governu sosa husi Xina, hanaran Návio Repúbliba Timor-Leste (NRTL) P211 Jaco no NRTL P212 Betano,  iha tinan 2010. Ró ba militár rua ne’e nia todan tonelada 125, kompleta ho arma kaliber 57 milimetru no kaliber 50 milimetru.

Ho ro-ahi rua ne’ebé mak seidauk halo manutensaun, Komponente Naval uza meius kiik hodi kontrola kosteira, hanesan hala’o patrullamentu ba Ataúro, Manatuto no Liquiça.

Alende ró-ahi Jaco no Betano, Komponente Naval, antes ne’e iha ró-ahi Chamsuri-Class, ne’ebé mak apoiu husi Governu Corea Sul, iha tinan 2011, ró-ahi tolu ne’e hanaran Camanasa, Díli no Hera.

Ró-ahi tolu ne’e arma kompletu, maibé tuir observasaun GMN nota, ró-ahi sira ne’e agora ida para iha Portu Díli no ida entrega ba Unidade Polísia Marítima (UPM) no ida avaria ona, para iha tasi-ninin Kuartel UPM Sional, Díli.

Ró-ahi Albatroz-Class, Návio Repúblika Portugal (NRP) P012, NRP P163, apoiu husi Governu Portugal iha tinan 2002, ró-ahi rua ne’e hanaran NRTL Atauro no Oecusse. Maibé ró rua ne’e, Komponente Naval hasai ona husi tasi laran mai para rai maran, tanba konsidera ró rua ne’e tuan labele halo ona manutensaun. No ró ne’e hasai mai rai-maran hanesan istória TL, iha ró-ahi ba dahuluk, bainhira forma Komponente Naval F-FDTL.avi 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker