GMN TV Justica e Segurança Semana rua deit, MP rejista prosesu foun 483

Semana rua deit, MP rejista prosesu foun 483

40 views

Durante semana rua iha fulan Setembru tinan ne’e, Ministériu Públiku (MP) konsege rejista ona prosesu foun hamutuk 483, husi númeru ne’e prosesu fimdus akuzadu no arkiva hamutuk 393 iha nível nasionál.

Husi prosesu sira ne’e, prosesu ikus ne’ebé MP akuza ona hamutuk 214, no prosesu ikus ne’ebé MP arkiva hamutuk 179. Nune’e atualmente kazu pendente iha MP hamutuk 3.112.

Prokuradór Jerál Repúblika (PJR) Alfonso Lopes relata, durante fulan Agostu nia laran Majistradu husi MP nian ferias judisiais, maibé prosesu sira kontinua la’o.

“So ke prosesu ne’e kontinua iha entrada nafatin, ne’e fulan Agostu rejistadu 370, tanba ne’e mak iha aumentu iha ne’e,” hatete (PJR) Alfonso Lopes, hafoin relata servisu mensal nian ba Prezidente Repúblika Francisco Guterres Lú Olo Tersa (05/10), iha Palásiu Prezidensiál Bairo-Pité.

Iha Gabinete Sentrál Kombate Korrupsaun no Krime Organizadu (GCCCO-sígla portugés), mós rejista prosesu foun hamutuk 16, kazu pendente antes hamutuk 217, maibé konsege termina, akuza no arkiva 16.

Alénde ne’e iha nível Munisípiu, Prokuradória Distritál Díli (PDD) nia númeru prosesu barak liu, iha meadu fulan Setembru tinan ne’e prosesu tama foun hamutuk 312, no konsege finaliza 219 prosesu. Atualmente prosesu pendente iha PDD mak 2.266

Ba Prokuradória Distritál Baucau (PDB) rejista prosesu foun 66, kazu finaliza no arkiva 75, prosesu pendente atuál hamutuk 389. Nune’e mós Prokuradória Distritál Suai (PDS) rejista prosesu foun 56, prosesu ne’ebé finaliza 55, no pendente atuál 159.

Ikus liu mak Prokuradória Distritál Oecusse (PDO) rejista kazu foun hamutuk 23 no kazu ne’ebé konsege termina hamutuk 30, no pendente atuál 82.

Kazu sira ne’ebé Prokuradória Nasionál no Munisipál rejista ne’e, maioria krime Ofensa Integridade Fízika Simples no Integridade Grave, Violénsia Doméstika, Abuzu Sexual Menór no Violasaun Sexual no krime Dezobedénsia.

Asuntu seluk mak, PJR mós konvida Xefe Estadu Francisco Guterres Lú Olo nia disponibilidade hodi hala’o inaugurasaun ba edifísiu Gabinete Sentrál no Espesializadu ba futuru iha loron 27, fulan Outubru tinan ne’e.Ben


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker