GMN TV Justica e Segurança Sergio Quintas: Artigu balu iha proposta LOJ presiza hadi'a

Sergio Quintas: Artigu balu iha proposta LOJ presiza hadi'a

56 views

Jurista Sergio Quintas, hatete, proposta Lei Organizasaun Judisiária (LOJ) ne’ebé Ministériu Justisa aprezenta ona ba debate iha Parlamentu Nasionál (PN), iha artigu balu presiza muda ka hadia, tanba la reflete realidade no kondisaun iha Timor-Leste (TL).

“Ha’u hanoin antes PR promulga Lei ne’e, haree lai matéria ou konteudu Lei ne’e, nune’e Lei ne’e kuandu ejiste labele fó todan ba populasaun sira, tanba ha’u haree Lei ne’e valór Asada bo’ot liu la refleta realidade Timor nian, bele haruka fila ba Parlamentu Nasionál bele muda artigu balun ne’ebé la kondis ho realidade ne’ebé iha,” dehan Sergio Quintas, ba GMN iha Tibunál Distritál Díli, Tersa (26/10).

Quintas husu ba Prezidente Repúblika (PR), atu fiskaliza didiak artigu 24 iha LOJ kona-ba ‘Valór Asada’ ne’ebé to’o ona rihun USD 1.000, tanba ne’e bele fó impaktu ba komunidade bain-bain atu hatama prosesu sivíl.

“Valór asadas Mil ne’e juiz singular de’it labele koletivu no labele halo ona rekursu, uluk 500 Dolar ne’ebé ema kuandu hatama prosesu sivíl tuir kódigu sivíl kuandu valór asada Mil ne’e Juiz ne’e singular de’it, depois labele rekursu ona Mil mai kraik ha’u labele halo rekursu ona, ne’e mós afeita ba komunidade bain-bain” esplika Jurista ne’e.

Iha mós Artigu 14 kona-ba Ferias Judisiál ne’ebé iha Artigu foun ne’e, Ferias Judisiál monu fali iha loron 1, fulan Dezembru no remata iha loron 15, fulan Janeiru, ne’e signifika hamenus ona loron feriadu Juíz sira nian. Tanba ne’e, nia husu ba Parlamentu no PR atu muda Artigu foun ne’e ba nafatin tuir dekretu anterior, lei númeru 15/2015.

“Ha’u rasik nu’udar defensor públiku, ha’u la aseita iha Lei ne’e, ferias judisiariu ne’e monu fali iha Dezembru dia 1 to’o 15 de Janieru ne’e viola ona direitu ba juiz sira, MP, no Defensor sira, natal ho ano novu ne’e ne’eb’e ha’u hanoin Dekretu Lei ne’ebé Governu estabelese ona adapta ba anterior ne’e, ha’u sujere ferias judisiariu ne’e mantein nafatin, ne’e hatun fali loron ferias iha Artigu 14 antes ne’e monu iha dia 1 de Agusto to’o 15 de Setembru ho Dekretu Lei 15/2015” dehan Sergio.

Alende ne’e Artigu 127 iha proposta LOJ kona-ba elijibilidade ne’e mós la esplika klaru kona-ba  kompozisaun supliente mudansa espesiál, ne’ebé sei hili husi Parlamentu Nasionál.

“Hau dehan Artigu balu, mak tuir lolos projetu Lei ne’e esplika klaru liu kona-ba buat ida que elijibilidade iha Artigu 127 ne’e, atu esplika klaru kona-ba elijibilidade atu tur iha kompozisaun supliente mudansa espesial mais ou menus semak merese tur iha ne’eba”, dehan nia.

Nia mós konsidera banhira proposta Lei Organizasaun Judisiária ne’e vigora ona sei fó impaktu ba rekursu umanu, liu-liu númeru Juíz karreira sira, tanba ne’e husu Governu tenke fó formasaun komplementár ba Majistradu Judisiál, atu kapasita sira, tanba ne’e área foun ida hanesan Tribuná Kontas no Administrativu.Tos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker