GMN TV Justica e Segurança Lere: F-FDTL sei proteje bens Estadu no povu inosente

Lere: F-FDTL sei proteje bens Estadu no povu inosente

0 views

Chefe Estado Maior General FALINTIL Forsa Defeza Timor Leste (F- FDTL) Major General  Lere Anan Timur deklara katak, lakohi krize polítika akontese iha rai laran, maibé karik mosu duni krize polítika ne’e, Forsas Armadas sei toma pozisaun hodi proteje bens estadu no povu ne’ebé inosente.

Maijor Jeneral Lere Anan Timur hato’o asuntu ne’e ba jornalista sira, Kuarta (15/11) hafoin enkontru ho Prezidenti Repúblika (PR) Francisco Guterres Lú Olo, iha Palásiu Prezidensiál Nicolau Lobato, Bairu Pite Díli.

“Ordem ne’ebé ha’u fó ba sarjentu no ofisiais sira katak, ita lakohi atu krize polítika akontese, maibé se mosu karik, pozisaun forsa armada nian mak fó protesaun ba bens estadu nian no populasaun sira, liu-liu ba ema inosente sira”, Lere Anan Timur haktuir.

Lere hatutan, forsa armada sei halo intervensaun wainhira nasaun iha situasaun rísku, no dalaruma ema sei kondena katak forsa viola direitu humanu, maibé iha tempu nesesáriu tenki viola duni atu kria estabilidade iha nasaun laran.

Lere dehan, ho situasaun polítika ne’ebé oras ne’e dadaun la’o iha rai laran, halo F-FDTL hahú atu tama ba divida, tanba laiha osan atu halo manutensaun ba kareta no sasan kombate F-FDTL nian.

“Kuandu orsamentu retifikativu laiha, osan laiha saida mak ita sei inferenta, ha’u dehan ba ofisiais sarjentu, ita nu’udar militar ita sei dezenaraska, hahan ita buka deve de’it mós laiha problema no kontratu kompañia hodi halo manutensaun ba kareta i depois iha futuru mak governu hakarak selu-selu. Sé la selu, la’os ami nia problema, ne’e mak agora ha’u halo dadauk ne’e, ha’u hanoin polisia mós sei halo nune’e. Agora dadaun ita haruka kompañia sira halo manutensaun ba ita nia kareta sira no lojístika. Kuandu governu estabelese, governu selu”, Lere hateten.

Maibé Lere iha nafatin esperansa ba lider jerasaun tuan sira sei lori povu no Nasaun ba moris iha paz no hakmatek.

 “Uluk iha funu ha’u iha esperansa ba sira katak sira sei lori Nasaun ne’e ba ukun-an agora mós ha’u fiar nafatin ba sira, tanba sira la’os ema kualker, maun Xanana, maun Marí, maun Taur, maun Abílio Araújo no maun Ramos Horta. Ha’u hein katak sira sei lori nasaun ne’e ba futuru ne’ebé di’ak,  hakmatek no haksolok, jerasaun foun lalika ansi demais, enkuantu katuas sira ne’e sei moris. Tanba ukun ne’e la’os fasil,” Lere afirma.ías


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker