GMN TV Justica e Segurança Membru PNTL tiru arbiru, hamate komunidade ida iha Ainaro

Membru PNTL tiru arbiru, hamate komunidade ida iha Ainaro

0 views

Komunidade ida husi Suku Casa, Munisípiu Ainaro, mate tanba trauma ho Membru Polisia Nasional Timor Leste (PNTL) tiru kilat rajada arbiru iha komunidade sira nia leet.

Xefi bankada KHUNTO,  Luis Roberto da Silva, hateten, akontesimentu ida iha Suku Casa, Munisípiu Ainaro iha loron finadu foin lalais ne’e, rezulta komunidade ida mate, tanba PNTL tiru arbiru de’it maske situasaun normal hela.

“Iha ne’eba labarik minoridade sira tuda malu, maibé derepenti de’it ita-nia seguransa sira hanesan PNTL mosu iha fatin akontesimentu ne’e tiru dala barak, hodi rezultadu ita-nia komunidade sira iha Suku Casa ida mate, tanba de’it trauma ho kilat tarutu rajada de’it,” levanta Luis Roberto da Silva iha plenária PN, Segunda (06/11).

Luis Roberto esplika, bainhira situasaun ne’e akontese, membru Ofisial Polisia Suku sira to’o kedas iha fatin hodi hakalma situasaun, maibé membru Polísia balu to’o husi Munisípiu Covalima, la husu buat ida, maibé tiru arbiru de’it hodi halo komunidade trauma no mate.

“Sira tiru arbiru iha komunidade nia leet, ita-nia komunidade sira trauma, no rezulta ita-nia inan feton ida ho idade tinan 58 mate tanba trauma,”katak Luis Roberto.

Tanba ne’e, nia husu ba komandante PNTL Munisipiu Ainaro atu toma responsabilidade hodi halo investigasaun klean atu foti sansaun ba membru PNTL sira ne’ebé servisu la tuir regra ne’ebé mak iha.

“Iha tempu finadu ne’e mós, ita-nia komunidade sira halo movimentu ba Munisipiu atu tau aifunan ba matebian sira, maibé membru PNTL iha Ainaro halo pasa revista ba ita-nia komunidade sira ne’e, baku, tuku no tebe, to’o hasai tan liafuan milisi ba ita-nia komunidade sira. Ita ne’e hatudu katak, atetude ita- nia PNTL ne’e ladiak, sira viola prinsipiu PNTL ne’ebé hateten servi no proteje ne’e,”lamenta Luis Roberto.

Tanba ne’e, Luis Roberto, dehan, bankada KHUNTO sei apoiu família matebian ne’e, hodi prosesa membru polísia sira ne’e ba justisa.

Nune’e mós, deputadu Antoninho Bianco, husi bankada FRETILIN hateten, matebian ne’ebé mate tanba trauma ho polisia nia tiru.

“Ha’u ko’alia ho sira, ha’u nia familia rasik, no ha’u hanoin polisia sira ne’ebé hala’o servisu, karik balu komete krime karik prosesa ba,” katak Antoninho Bianco.

Alende ne’e, deputadu Natalino dos Santos, husi bankada CNRT husu ba PN atu tau atensaun seriu ba kestaun ne’e, liu-liu atu halo investigasaun ba kazu ne’e.

“Ha’u mós iha relasaun família, matebian ne’e kompatriota Naimori nia feton, tanba ne’e ha’u husu ba komisaun B Parlamentu Nasional atu haree, tanba polisia ba hamutuk fali ho joven sira iha Bairo seluk mak mai tiru fali rajada iha bairo seluk, hodi afeta ba tia ne’e mate,” katak Natalino.

Nia kontinua lamenta katak, membru PNTL sira ne’e la profesional, tanba situasaun la grave, maibé sira tiru rajada kilat iha komunidade nia leet, hodi halo komunidade trauma no mate.cos


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker