GMN TV Justica e Segurança Mosu problema ruma, F-FDTL no PNTL sei la interven

Mosu problema ruma, F-FDTL no PNTL sei la interven

0 views

Ministru Defeza no Seguransa (MDS), José Sequeira ‘Somotxo’ informa, karik mosu problema bo’ot ruma liga ba tensaun polítika ne’ebé oras ne’e dau-daun mosu iha rai laran, FALINTIL-Forsa Defeza Timor-Leste no Polisia Nasional Timor-Leste (PNTL) sei la interven.

“Karik problema bo’ot ruma akontese iha ita-nia nasaun liga ho situasaun polítika, nein soldadu no polisia ida tuun hodi halo intervensaun, maibé entrega tomak ba deputadu nain 35 atu rezolve problema ne’e iha Timor-Leste, hanesan veteranu no MDS ha’u moe ba situasaun polítika ne’e,” MDS Somotxo ba jornalista sira hafoin remata enkontru ho Prezidenti Repúblika (PR), iha Palasiu Prezidensial, Bairo Píte, Díli, Kuarta (22-11-2017), hodi koalia kona-bá seguransa iha rai laran.

Nia esplika, nu’udar MDS iha dever no obrigasaun halo enkontru ho PR koalia kona-bá situasaun iha rai laran, katak mezmu tensaun polítika mosu maibé laiha problema.

“Apela ba joven, populasaun, veteranu no politiku sira para hotu-hotu kontribui ba situasaun atu la’o ho diak, tanba ita lakohi lori ita-nia sasan foer sira ne’e tuun- sa’e. tanba ne’e ha’u apela nafatin ba povu Timor-Leste tomak, ba F-FDTL no PNTL atu hakmatek, instituisaun rua ne’e atu interven problema hanesan tuda malu no baku malu orden ne’e tenki sai husi ninia ida-idak nia komando,” dehan José Sequeira ‘Somotxo’.

Nia akresenta, povu tomak tenki hakmatek, problema sira ne’e entrega hotu ba orgaun soberania PN atu desidi, mezmu instituisaun F-FDTL no PNTL maka mákina ne’ebé loloos ne’e tenki funsiona oras 24, maibé sé OR ne’e maka la pasa ba instituisaun 2 ne’e sei la funsiona oras 24.

“Tanba buat hotu-hotu difisil ona, la’os hanesan ami iha ai laran kuandu la’o sai ba kee kumbili hodi haan, maibé agora Estadu ida tenki iha nasaun, hahaan, kareta no mina hodi hala’o servisu. Sé deputadu sira husik hanesan ne’e, kuandu akontese problema ruma iha Timor-Leste ha’u MDS hateten nein soldadu ida sai no nein polisia ida sai, hotu-hotu iha Kuartel Jeneral, tanba problema no provokasaun ne’e husi deputadu sira,”realsa Ministru MDS ne’e.ves


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker