GMN TV Justica e Segurança PR husu F-FDTL-PNTL tenki servisu neutru ''Lere: Povu agora tauk''

PR husu F-FDTL-PNTL tenki servisu neutru ''Lere: Povu agora tauk''

0 views

Prezidente Repúblika (PR), Francisco Guterres ‘Lú Olo’, husu instituisaun FALINTIL Forsa Defeza Timor-Leste (F-FDTL) no Polisia Nasional Timor-Leste (PNTL) atu halo atuasaun ho profisional no neutru.

“Enkontru ho PR ne’e enkontru rutina kada loron Kuarta ninian no iha enkontru ne’e ami koalia kona-bá seguransa rai laran ninian, iha biban ne’e PR husu mós F-FDTL no PNTL atu halo atuasaun profisionalizmu, ho postura iha neutralidade labele haliis ba arte marsiais no partidu ida,”Xefi Estadu Maior F-FDTL, Major General Lere Anan Timur, ba jornalista sira hafoin remata enkontru ho Prezidente Repúblika (PR) iha Palasiu Prezidensial, Bairo Píte, Díli, Kuarta (08-11-017), relasiona ho tensaun polítika ne’ebé la’o namanas iha rai laran.

Nia esplika, PR Lú-Olo mós preokupa ho vida polítika nasaun nian, nune’e instituisaun F-FDTL no PNTL sei trata no preokupa halo oinsa maka instituisaun rua ne’e bele la’o ba oin.

“Ami mós koalia kona-bá situasaun polítika rai laran, tanba ita hotu hatene katak, ohin loron ita-nia situasaun polítika rai laran halo populasaun no komunidade senti tauk, preokupadu no tristi, tanba ita-nia lider sira tantu lider 1974 no 1975 laiha konsensu kona-bá ita-nia governasaun apesar que ita-nia VII Governu harii,”dehan Lere Anan Timur.

“Entaun lider sira, liu-liu lider primeira jerasaun hanesan maun Xanana, Mari Alkatiri, Ramos Horta maka tenki konsensu no sira tenki toma konta katak krizi hotu-hotu ne’ebé Timor atravesa la’os populasaun maka halo, maibé lider sira maka halo,”haktuir Xefi Estadu Maior F-FDTL.

Nia akresenta, hotu-hotu tenki hamutuk lori povu ba dezenvolvimentu no progresu, tanba iha tempu difisil okupasaun Indonesia tinan 24 hotu-hotu hamutuk lori povu ba ukun rasik an, nune’e agora tenki hamutuk para lori povu ba dezenvolvimentu  no progresu, mezmu diverjensia sempre akontese, maibé tenki mós iha ninia solusaun.

“Iha mundu forsa armada no polisia maka viola direitu umanu, nune’e iha Timor lakohi ema akuza nafatin F-FDTL no PNTL viola direitu umanu, mas kuandu nesesariu tenki viola duni, no agora ita tenki viola direitu umanu atu tau Timor-Leste iha situasaun ida hakmatek, kalma no haksolok,” realsa Major Jeneral Lere Anan Timur.

Xefi Estadu Maior F-FDTL ne’e hato’o mensajen ba povu no juventude sira atu hakmatek, kria paz no estabilidade, husik ba lider sira maka rezolve sira-nia problema.Ves


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker