GMN TV Justica e Segurança Atu tuir julgamentu iha Baucau, PN hasa’i Imunidade deputadu Antonio da Conceição

Atu tuir julgamentu iha Baucau, PN hasa’i Imunidade deputadu Antonio da Conceição

0 views

Parlamentu Nasional, Tersa-feira ne’e hasa’i imunidade ba deputadu Antonio da Conceinção hodi tuir julgamentu iha Tribunal Distrital Baucau, tamba deskonfia komete krime partisipasaun ekonomia em negosiu.


Julgamentu ba deputado Antonio da Conceição sei halao iha Tribunal Baucau, iha loron 14 fulan Novembru tinan ne’e, tamba deskonfia komete kazu partisipasaun ekonomia em negosiu wainhira asumi knar hanesan Ministru Komersiu Industria no Ambiente iha Kintu Governu Konstitusional.
Tuir alegasaun husi Ministeriu Publiku katak Antonio da Conceição fo autorizasaun ba Administrador Postu Administrativu Vemasse Munisipiu Baucau hodi foti fos iha armazen MTCI hodi fa’an ba komunidade sira ne’ebe afetadu bai loron naruk.
Maibe Administrador Postu ho Xefe suku balun deskonfia fa’an la tuir presu ne’ebe asina ona entre MTCI ho Administrador Postu Administrativu Vemasse, tamba ne’e aktual deputadu Antonio da Concenção konstitui hanesan arguidu.
Prezidente Parlamentu Nasional, Arao Noe de Jesus, hatete parlamentu aprova imunidade deputadu Antonio da Concenção ,tamba hetan pedidu levantamentu imunidade husi Tribunal Distrital Baucau.
“Tribunal Distrital Baucau halo pedidu levantamentu imunidade ba deputadu Antonio da Conceiçao, atu partisipa aban tuku 2 iha Tribunal Baucau ,tamba ne’e mak parlamentu aprova ona autoriza nia parsialmente ba partisipa julgamentu iha tribunal Baucau”,hatete Prezidente Parlamentu Nasional Arao Noe de Jesus.
Nunee mos deputado Antonio da Conceição hatete, “Kazu ne’e relasiona ba hau nia servisu hanesan Ministru Komersiu Industria no Ambiente ne’ebe iha situasaun ida afeta populasaun suku 5 iha Vemasse ne’ebe xefe suku, administrador postu administrativu no mos ho ejijensia ne’ebe halo iha PN rasik atu hau hanesan ministru tenki hola medidas hodi bele fo asistensia ida ba populasaun sira ne’ebe afeta ,tamba sira nia tos ho natar momentu ne’eba bai loron naruk ,laiha be’e atu ajuda para sira hodi bele halo sira nia tos no natar”.
Nia hatutan, tamba halo intervensaun humanitaria, hau konsidera ida ne’e responsabilidade ida Governu nian hodi fos ne’e disponivel iha armazen atu halo atuasaun ida hanesan ne’e ,maibe nia mos laiha dadus atu hatene lolos atu fahe ne’e ba ema nain hira ,tamba ne’e atuasaun ne’e liu husi administrador Vemasse.
“Hau fo kontratu ida ba nia atu nia bele fa’an fos ho presu ida ne’ebe mak tuir asina entre Ministeriu ho administrador ho xefe suku sira ,maibe iha terenu ne’eba administrrador hau la hatene ninia pozisaun oinsa ,maibe nia fa’an fos ne’e ho folin ida ne’ebe la tuir kontratu ne’ebe mak asina ho situasaun ida ne’e mak administrrador tenki ba responde, hau mos tenkiser ba tuir investigasaun husi prokuador naton ne’e no konstitui hau hanesan arguidu hotu ba fos ne’e dehan katak, hau halo partisipasaun ekonomika”, konklui Antonio da Conceição.tos


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker