Prezidente Tribunal Rekursu ne’ebé asume mós pasta nuúdar Prezidente Tribunal de Contas (TC), Deolindo dos Santos, hateten, autoridade Zona Espeisiál Ekonomia Sosial Merkadu (ZEESM), kumpri ona rekomendasaun balun ne’ebé Tribunal de Contas rekomenda.
“Auditoria ba ZEEMS ne’e ita konklui tiha ona no Autoridade ZEEMS rasik aprezenta sira nia relatóriu ba rekomendasaun sira ne’ebé mak ami hato’o tiha ona sira kumpri buat balun ona, e parte Governu rasik kumpri ona nia rekomendasaun iha relatóriu ne’ebé hatete no agora oinsa tribunal atu haree ba rekomendasaun no entaun buat sira ne’e sei la’o hela no entantu tribunal rekursu atraves kamara de kontas rekomenda tiha ona”,haktuir, Deolindo dos Santos, ba jornalista sira, hafoin hasoru malu ho Prezidente Repúblika, Francisco Guterres Lú Olo’’, iha Palasiu Prezidensiál Nicolau Lobato Bairu Pite-Dili, Sesta (23/11/2018).
Deolindo dos Santos hatutan, rekomendasaun husi Tribunal de Contas sira kumpri ne’ebé hatete projetu sira ne’e la liu husi konkursu públiku ka single source, maibe relatoriu ne’ebé sira hatan katak liu husi konkursu públiku.
“Por ezemplu buat balun ne’ebé uluk Tribunal Camara de Contas hatete katak la atraves konkursu publiku, maibe liu husi rekomendasaun sira ne’e dehan liu husi konkursu publiku, entaun buat sira ne’e mak relatoriu ne’ebé mak sira kumpri”,klarifika Deolindo.
Maski Autoridade ZEESM hato’o ona relatóriu ba rekomendasaun Tribunal de Contas, maibé Tribunal mós sei esforsu atu ZEESM bele komplementa rekomendasaun Tribunal nian.
Entertantu, Tribunal de Contas loke auditoria ba ZEESM relasiona ho mega Projetu ZEEMS iha Rejiaun Administrativa Espesial Oecusse-Ambeno (RAEOA), ne’ebé konsidera hamosu iregularidade.
Hafoin prosesu auditoria remata Tribunal de Contas mos publika kedas nia rezultadu ba iha públiku no notifika kedas autoridade ZEESM ne’ebé hetan auditoria.
Prezidenti Tribunal Rekursu ne’e informa tan katak, kazu pendenti iha Tribunal de Contas iha numeru 12 prosesu kazu, no Tribunal sei prioridade Camara de Contas atu finaliza hotu tiha prosesu kazu ne’ebé pendenti.Eus
