GMN TV Justica e Segurança Ema asalta rezidensia ajenti PNTL António Barbona

Ema asalta rezidensia ajenti PNTL António Barbona

0 views

Rezidensia vítima   Polísia Eskuadra Dom Alexio, Ajenti Xefe  António Barbona,  iha Aldeia 01 Suku Fatuhada,  Postu Administrativu Dom Aleixo,  Munisípiu Díli,  hetan asaltu no tuda husi ema deskoñesidu iha tuku 03 madrugada oras Timor-Leste.

Vítima Polísia António Barbona,  iha Domingu (25/11/18),  ba halo atuasaun konfrontu entre  joven sira iha Aldeia Moris Foun C Suku Komoro, Postu Dom Alexio, maibe hetan tuda ho fatuk husi  joven sira hodi rezulta vítima Polísia nia ulun nakles too baisa kalan ida iha Hospital  Nasionál Guido Valadares (HNGV) no iha Segunda (26/11/18) vítima alta husi  hospital  hodi fila hikas ba ninia rejidensia iha  Aldeia 01 Fatuhada,  tanba  kanek  ne´ebé mak  vítima infrenta hahú rekopera ona.

Maibe Kinta (28/11/18) tuku 03 madrugada ema deskoñesidu ba asaltu no tuda  vítima ninia rejidensia ho fatuk  no hodi hakilar ba membru Polísia ne´e dehan o brani sai took mai liur hodi baku malu.

``Horikalan akontese fali joven balun mai ameasa no tuda ha´u  nia uma  iha tuku 03 madrugada, sira dehan Polísai o brani sai took mai, imi mak tiru ami nia kolega iha Kuluhun mate ne´e o sai took mai o la han rama ambon. Ne´ebé ha´u nia familia sira rona dehan imi labele sai ba liur orna de´it,``esplika  Ajenti Xefe Polísia   António Barbona, ba GMN Kuarta (28/11/18) iha iha  Aldeia 01 Fatuhada Dili.

Maske akontese tuda vítima Polísia ninia rejidensia, maibe la rezulta ema ruma kanek.

Ho akontesimentu ne´e  iha tuku 10 dadersan oras Timor-Leste komando Polísia Eskuadra Dom Alexio  ba kedas vítima ninia rejidensia hodi rekolha informasaun husi vítima ne´e atu buka tuir suspeitu sira.

Nia hatutan, durante ne´e nia nunka odio malu ho  joven sira, maibe derepente ema seluk bele hanoin too nia hodi halo asaltu ba ninia rejidensia.

Relasiona ho akontesimentu hirak ne´e, António Barbona, husu ba Komando Jeral PNTL, atu enkoraza nafatin membru Polísia atu hala´o atuasaun ba ema kriminozu sira.

``Ha´u hanesan Polísia laran moras wainhira ha´u hetan kanek Komando Jerál nunka haree ba ida ne´e,``dehan António Barbona.

Hafoin hala´o vizita ba vítima António Barbona ninia rejidensia,   membru Polísia Eskuadra Dom Alexio kontinua hala´o patrulha la´o ain ba iha Aldeia Moris Foun C  Ponte Komoro hodi buka tuir suspeitu sira ne´ebé mak tuda kanek  Ajenti Xefe  António Barbona.

Durante  iha terenu membru Polísia ida informa, Polísia  identifika ona suspeitu  nain tolu ne´ebé mak deskonfia tuda kanek António Barbona iha Ponte Komoro Aldeia Moris Foun C Komoro.  Tanba ne´e  hein de´it mandadu Tribunal atu halo kapturasaun ba suspeitu nain tolu.avi

 


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker