Polísia Nasional Timor-Leste (PNTL) apresia ho maturidade joven Kuluhun de Baixu, tanba maske hasoru situasaun tristeza, maibe sira nafatin kontribui ba paz no estabilidade.
Joven Kuluhun de Baixo hatudu sira ninia maturidade iha prosesu funeral ba materbian trajedia Kuluhun.
“Prezidente mos apresia ho ida ne’e i ami PNTL rasik, lori instituisaun nia naran hato’o ami nia obirgadu ba familia tomakm, ba jovem hotu ne’ebe mak kontribui tebes establidade no paz iha prosesu funeral husi uma matebian to’o ba igreja, misa akompania too ba semiteriu bekusse lao diak too fila fali mai hakmatek too ohin loron”, Komandante Jerál PNTL, Komisariu, Julio Hornai, hato’o apresisaun ne’e hafoin enkontru regular ho ho Prezidente Repúblika (PR), Francisco Guterres Lú Olo, iha Palasiu Prezidensiál Nicolau Lobato, Dili, Kinta (22/11/2018).
Entretantu vítima trajédia Kuluhun de Baixo, hetan tiru iha Domingu (18/11/18) mak hanesan Erick Joni Roberto, Luis Quebia Saldanha Belo ho Leonildo Eduardo Ximenes Sequeira.
Enkuantu vítima nain lima mak kanek hanesan, Terezinha Vila Nova, Pinto Gama, Agrifino da Costa , Paulino de Jesus, Lúcio do Carmo
Família vítima husi trajédia Kuluhun de Baixo, Kuarta (21/11/18), halót ona mate isin iha simitériu Becussi, Díli, ne’ebé hetan tiru husi membru Polísia Nasionál Timor-Leste (PNTL), iha dia 18, fulan Novembru, tinan ne’e.
Entretantu iha Kuarta (21/11/18), Komandante Jeral PNTL, Julio Hornay, afirma hodi fó suspensaun preventiva ba ariguidu nain haat atu fila ba vida sivíl provizoriamente durante fulan tolu sem uza arma hodi submete ba prosesu investigasaun. Ias
