Emprezária Timor-oan Kathleen Gonçalves rejeita karta notifikasaun husi Ministeriu Justiça (MJ) ne'ebé husu atu abandona edifisiu ACAIT, Díli, nia kontratu uza edifisiu ne'e ba tinan 50 hodi halo negosiu.
Emprezaria nee hatete nia simu notifikasaun Ministeriu Justiça iha loron 26 fulan Setembru tinan ne'e atu husik hela edifisiu ACAIT ne'ebé dadaun ne'e uza hodi hala’o negosiu.
Kathleen Gonçalves hateten nia uza fatin ne'e hodi halo investimentu bazeia ba kontratu ho Associação Comercio Agricola e Industria desde tinan 2009 nebe sei termina iha 2041.
"Desizaun ida ne'e ilegal no abuzu de poder, tanba hau tama ACAIT ne'e liu husi konkorensia. Tama ACAIT ne'e husi odamatan bo'ot no laos husi jalan tikus, e hau iha ne'e, tanba tuir kontratu komersial tinan 19 ona, " hateten Kathleen Gonsalves.
Iha fatin hanesan, Manuel Tilman, advagado, husu Ministru Justiça atu bainhira foti desizaun tenke bazeia ba lei.
"Ministru nian interpretasaun ne'e sala bo'ot, tanba ACAIT ne'e hanesan é uma pessoa coletiva de carcte personalisa funsiona liu husi socios. Estadu tenke distingi mos ho cámara munisipais ho rejioens autonomas, e agora associação ACAIT (Associação Comercial Agricola e Industria) ne'e fungsiona ho estatutu liu husi artigo quinto (5), 149 no 159 o códigu sivil atu distinqui socio sira mak em assemblei jeral hodi defini oinsa atu jere, no laos liu husi órdem mai husi Ministru Justça,", lamenta Manuel Tilman.
Edifisiu Associação Comercio Agricola e industria konstrui iha tinan 1957. Emprezária Timor-oan Kathleen Gonçalves uza edifisiu nee hodi halao negosisu bazeia ba kontratu ho Associação Comercio Agricola e industria neebe assina husi prezidente Jaime dos Santos.
Oras ne'e Kathleen utilize fatin ne'e hanesan multi negósio hanesan restaurante, bar, rental, butik, salon, barkery no Travel agencia. Ito
