Comissão Anti Corrupção (CAC) to’o agora seidauk iha komisáriu foun hafoin mandatu Aderitu Tilman ne’ebé remata iha fulan Juñu tinan 2018.
Situasaun ne’e difikulta tebes servisu CAC nian liu-liu liga ba funsionamentu administrasaun no investigsaun kazu iha munisípiu tenki paradu, tanba laiha superior másimu ne’ebé atu halo desizaun.
Diretor investigasaun CAC, Augusto da Costa Castro hatete, situasaun ne’e ladun normal ba institisaun CAC, kuandu prejensa superior másimu laiha impede tebes servisu hotu ne’ebé liga ba CAC nia servisu hanesan kompotensia halo desizaun ba investigasaun, administrsaun jeral ne’ebé liga ba patrimonia.
“Durante ne’e investigsaun kazu balun ba iha munisípiu tenki paradu tanba ezekusaun orsamentu lalao, ita hatene ba munisípiu presiza deslokasaun balun ba investigador sira hanesan osan no dadaun ne’e servisu ne’ebé CAC bele halo mak sein orsamentu, maibé kuandu CAC realiza seremonia balun ne’ebé iha ne’e ami diretor tékniku sira mak tur hamutuk no buka apoiu husi doador sira hodi apoiu tékniku no finanseiru, tanba maske ita iha osan, maibé labele ezekuta, tanba laiha lideransa superior CAC hanesan komisariu ne’ebé atu aprova orsamentu sira ne’e, tanba ezekusaun saida deit husi CAC ikus ne’e tenki hetan aprova husi komisariu,’’ dehan Augusto ba jornalista iha Suai Room Timor Plaza Comoro, Kuarta (21/11/2018).
Diretor ne’e mós husu ba Parlamentu Nasionál atu aselera lalais prosesu eleisaun ba Komisariu CAC, nune’e CAC bele halo servisu normal fali no bele ezekuta sira nia orsamentu ba aktividade CAC nian.
Hatan ba preokupasaun ne’e, Ministru Reforma Legislativu no Asuntu Parlamentar, Fidelis Magalhães hatete, eleisaun ba komisariu CAC ne’e depende ba bankada parlementar ida-idak, maibé Fidelis haktuir, maske komisariu seidauk iha lasignifika servisu hotu iha CAC paradu, sei iha diretor tékniku sira atu kontinua halo servisu hodi hein komisariu foun main.
“Agora ita hein agenda husi Parlamentu Nasionál, ne’e mós depende husi bankada parlamentar sira,’’ esplika Fidelis.
Mandatu komisariu sesante Aderitu Tilman nian rasik remata iha fulan Juñu tinan 2018 ne’e, maibé iha fulan Jullu tinan 2018 Governu deside prolonga tan mandatu Aderito Tilman husi tinan 2018 to’o 2022 no Governu rasik haruka ona proposta ba Parlamentu Nasionál atu deside. Nia
