Ministru Defesa no Seguransa Filomeno Paixão de Jesus informa, konaba substituisaun Xefi Estadu Maior F-FDTL, Maijor Jeneral Lere Anan Timur hein desizaun husi Prezidente Repúblika(PR), Francisco Guterres Lú OLo.
Filomeno Paixão esplika, wainhira seidauk iha ema foun atu troka Maijor Jeneral Lere Anan Timur, Maijor Lere iha obrigasaun atu assume nafatin knar nudar xefi estadu maior F-FDTL atu nune’e bele komanda F-FDTL.
“Ha’u nian ba tiha ona konsellu ministru agora entrega ona ba Prezidenti, agora tenki husu ba nia nai nsin mak hatan. Governasaun labele para, balun dehan illegal, depende bs interpretasaun, ha’u dehan labele husik mamuk, Sr. Jeneral bele hotu ona nia loron too dia 6, maibe enkuantu ida foun la ba troka nia, nia iha obrigasaun asina surat i halo buat ne’e la’o, selae laiha komandu se semak komanda F-FDTL, ha’u sente ne’e laos polemika, ne’e kestaun pasifika ida, ita hein desizaun husi PR”, Ministru Defesa no Seguransa Filomeno Paixão de Jesus hato’o kestaun ne’e hafoin hasoru malu ho Prezidenti Republika, Francisco Guterres Lu Olo iha Palacio Prezidensial bairu Pite Díli, Kuarta(14/11) hodi informa servisu PNTL no F-FDTL.ías
