GMN TV Justica e Segurança TDD julga MSM ho ACX ne’ebé deskonfia sunu roda iha resintu PN

TDD julga MSM ho ACX ne’ebé deskonfia sunu roda iha resintu PN

0 views

Tribunal Distrital Dili (TDD) halo primeiru julgamentu ba estudante nain rua ho inisial MSM ho ACX ne’ebé diskunfia sunu roda iha  resintu Parlamentu Nasionál nia oin bainhira halo manifestasaun hasoru Parlamentu Nasionál iha loron 27 foin lalais ne’e.

Turi akuzasaun husi Ministériu Públiku kata, iha loron 27 fulan Novembru arguidu MSM hanesan Estudante Universidade Timor Leste no arguidu ACX hanesan estudante Universidade Dili hamutuk ho Movimentu Estudante Timor Leste (MUTL) organiza manifestasaun iha museum Rezistensia oin no arguidu MSM ho ACX organiza manifestante sira ba to iha Parlamentu Nasionál oin no sunu roda no lori kaisaun.

Nune’e iha momentu ne’e polisia sira kaptura kedas arguidu sira no lori ba detein kedas iha estasaun polisia Dili, ho nune’e Ministériu Públiku akuza arguidu nain rua  ho krime dezobediensia husi artigu 244 kodigu penal Timor Leste.

Hafoin le tiha akuzasaun, iha sala audensia arguidu MSM deklara ba tribunal katak, momentu ne’e nia organiza duni estudante sira hakbesik ba resintu Parlamentu Nasionál,maibe sira hetan autorizasaun husi membru polisia ida.

Kona ba sunu roda ne’e nia lahatene, tanba bainhira nia kaer hela toa hodi koalia, derepenti deit kaisaun ida iha ona iha nia oin no ema komesa sunu ona roda iha nia kotuk. Nune’e nia tenta atu foti ses tiha roda ne’e, derepenti polisia sira mai kaer arguidu.

Nune’e mos arguidu ACX informa ba tribunal katak, kuando arguidu MSM koalia hotu no foin intrega toa ba arguidu ACX atu koalia derepenti ema sunu ona roda iha sira nia kotuk no sira lahatene se mak sunu roda no lori kaisaun ne’e mai.

Iha fatin hanesan, sasin Matias da Silva Braz, hanesan komandante eskuadra Vera Cruz hatete, lolos manifestasaun ne’e nia fatin iha museum rezistensia nia oin, maibe sira obriga an hakarak tama ba resintu Parlamentu, maibe kona ba sunu roda ne’e sasin ne’e la hatene.

Hafoin rona tiha deklarasaun husi arguidu no sasin tribunal submete kedas ba alegasaun no iha alegasaun final ne’e Ministériu Públiku husu ba tribunal atu kondena arguidu nain rua ho pena prizaun no parte defeza husu absolve ba nia kliente nain rua ne’e, tanba tuir defeza arguidu sira hetan autorizasaun husi polisia hodi halo manifestasaun iha resintu Parlamentu oin.

Hafoin alegasaun tribunal mos deside absolve arguidu nain rua husi detensaun polisia no adia kedas julgamentu ne’e ba loron 4 fulan Dezembru tuku 4:30 hodi rona leitura sentensaun.

Julgamentu ne’e prejidi husi juiza singular Albertina Neves, Ministériu Públiku reprezenta husi prokurador Nelson Carvalho, arguidu sira hetan defeza husi advogadu privadu.Mya


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker