Prezidente Tribunal Rekursu (TR), Deolindo dos Santos, konsidera Parlamentu Nasional (PN) iha kompetensia tomak atu halo alterasaun ba kualker lei inklui ba lei atividade fundu petrolíferu (FP), ne’ebé PN altera tiha la presiza vistu husi PN kuandu foti osan husi fundu petroliu.
Maibe Deolindo rejeita atu fo nia komentariu klean liu kona ba asuntu ne’e, tanba tuir Deolindo orgaun ida ida halo tuir nia kompotensia, no lei ne’e mos iha ona Prezidente Republika hodi hein promulgasaun.
Alende ne’e atual prezidente tribunal de contas ne’e mos haktuir, to agora nia rasik seidauk hare’e diploma kona ba alterasaun lei ne’e.
“Hau labele emite lai hau nia opiniaun konaba buat sira nee tanba tribunal rekursu para alende asumi kompetensia nebe maka kamara de kontas iha mos kestaun balun nebe que asumi mos desizaun tribunal desidi nia kompetensia balun, nebe mak presiza balun atu rejerva buat balun nebe maka hasai antes buat nee promulga husi suaexlensia prezidente rasik, portantu saida maka lao nee kompetensia parlamentu nian,’’ dehan Deolindo ba GMN, hafoin partisipa grande entrevista iha GMN iha Bebora, Segunda (26/11).
Parlamentu halo alterasaun ne’e tanba, Governu atu foti osan husi fundu petroliferu ho montante millaun USD 350 atu sosa asaun ConocoPhilips ho pursentu 30, maibe lei fundu petrolíferu numeru 30/2015 hateten, atu foti osan husi FP labele liu husi pursentu 20 no tenki hetan mos vistu husi Tribunal de Contas. Maibe agora Parlamentu Nasional altera tiha lei ne’e hodi bele foti osan ho pursentu 30 no la presiza hetan vistu husi tribunal de contas.Mya
