Xefe Estadu Maior Falintil – Forsa Defeza Timor Leste (F-FDTL) Coronel ‘Coliati’ garante sei la mosu familiarismu iha rekrutamentu membru foun F-FDTL.
Coronél Coliati hato’o deklarasaun ne’e hafoin hamutuk ho estrutura F-FDTL kompostu husi, Xefe Estadu Maior Jenerál F-FDTL, Major Jeneral Lere Anan Timur, Vise Xefe Estadu Maior Jenerál, Brigadeiru Jeneral Falur Rate Laek ho Xefe Estadu Maior Coronel Coliati, hafoin hasoru malu ho Prezidente Repúblika Francisco Guterres Lú Olo, iha Palásiu Prezidensiál Nicolau Lobato, Bairu Pite – Díli, Kuarta (20/11/2019).
“Prosesu hotu-hotu sei tuir kriterius, portantu kriteiru horseik komisaun ba rekrutamentu nian fó sai no halo ona konfrensia ba imprensa ne’ebe iha ne’eba fó ona kriteirus ne’ebe timor oan hotu tenke priense, tantu rekezitus sira ne’e mak importante,” hateten, Coronel Coliati.
Entretantu, iha loron segunda (25/11/2019) sei halo distribuisaun formuláriu rekrutamentu ba iha munisípiu 12 inklui Rejiaun Administrativa Espesial Oe-cusse Ambeno (RAEO-A).
Tuir planu iha tinan 2020, Falintil Forsa Defeza Timor Leste (F-FDTL) sei rekruta membru foun F-FDTL 600, kompostu husi feto no mane, maibé komisaun rekrutamente sei halo selesaun ho rigorozu.Eus
