Ministru Defeza no Interior Interinu, Filomeno Paixão, dúvida ho kapasidade Jestaun husi Komandante Jerál Polisia Nasionál Timor-Leste, Komisáriu Faustino da Costa, tamba lidera PNTL durante fulan Ualu ona, maibe krime kontinua akontese.
“Ita haree took, ita iha fulan 3 para hau fó ona tinan 1 para komisariu bele asegura politiku, bele asegura, até agora tinan 1 mosu nafatin, mas imi tenki haree mosu ne’e ,tamba saida? hau sente falta eskala karik iha polisia ne’e ema ida tenki hatene, ema ida nia tenki servisu oras 8, nune’e oras 8 ne’e nia kolokadu iha ne’ebé operasaionál eskala ne’e kuandu iha Díli ita kontrola fasil hela por que ema hotu-hotu servisu, agora ita haruka tomak-tomak de’it ba halo iha ne’ebá ne’e ita la hatene, semak halo, semak la halo . Hau fó hatete hotu ona ba komisariu ne’e tenki halo eskala ema Díli tenki hatene loron ida nia tenki servisu iha oras 8 ba Estadu, ida ne’e mak kuandu iha ona, Díli ne’e kontroladu lalais”, dehan Filomeno Paixão, iha reuniaun Konsellu Ministru iha Palasiu Governu, Kuarta (20/11), relasiona ho krime ne’ebé kontinua akontese iha fatin-fatin.
Governante nee fó ona orientasaun polítika ba Komandante Jerál Polisia Nasionál Timor-Leste komisáriu Faustino da Costa ,atu fó seguransa ba iha rai laran, maibe ema kontinua oho malu iha fatin- fatin.
Konaba situasaun seguransa iha Kapitál Díli, Filomeno Paixão, fó orientasaun ona ba komandante Jerál PNTL atu halo eskala kolokasaun servisu polisia nian, maibe to’o agora Komisariu Faustino da Costa, lá halo.
Ministru Defeza konsidera dadauk ne’e komunidade la seguru ,wanhira la’o kalan,tamba Komandante Jerál PNTL komisáriu Faustino da Costa laiha kapasidade jestaun oinsá atu jere servisu polisiamentu nian iha terenu.
Komandante Jerál Polisia Nasionál Timor-Leste Komisáriu Faustido da Costa simu posse husi Primeiru Ministru Taur Matan Ruak, iha loron 27,fulan Marsu,tinan 2019. No antes sai Komadante Jeral Polisia, komisariu polisia nee sai adjuntu komandante Jeral durante tinan haat. Tos
