Tribunal Distritál Díli (TDD), liu husi leitura akordaun ne’ebé lee sai husi juíz prezidi, kondena arguidu ho inisial AJ ho pena prizaun tinan tolu (3), suspende tinan hat (4) ba krimi koasaun sexual, tanba kaer lezada APF nia-isin sensitivu.
Razaun tribunal kondena arguidu ho pena refere, tanba bazeia ba konfiksaun arguidu perante audénsia julgamentu, deklara loos duni, maski iha tempu ne’ebá arguidu ho kondisaun lanu.
Antes ne’e, tuir kronolojia husi kazu katak, iha loron 20, fulan Outobru, tinan 2018, tuku 14:00, iha Taibessi merkadu laran, lezada toba hela iha ninia baraka fa’an modo, maibé derepenti deit arguidu mai ho kondisaun lanu, kaer lezada nia-isin sensitivu no lezada hakfodak no hakilar.
Konsekuensia husi arguidu nia hahalok ne’e halo lezada moe no tauk, tanba ne’e Ministériu Públiku (MP) akuza arguidu ba prátika krimi koasaun sexual, ne’ebé previstu iha artigu 171, husi kódigu penal Timor-Leste.
Audénsia ba julgamentu ne’e prezidi husi juíza singular, Edite Palmira, MP reprezenta husi prokuradór, Pedro Batista no arguidu hetan asisténsia legal husi advogadu privadu, Miguel Faria no Emilio Pereira de Jesus Sarmento. ita
