GMN TV Justica e Segurança CAC apura ona faktus ba governante na’in hitu

CAC apura ona faktus ba governante na’in hitu

158 views

Komisaun Anti Korrupsaun (CAC-sígla portugés) hala’o ona apuramentu ba keixa ne’ebé hato’o husi Forum Organizasaun Naun Governamentál Timor-Leste (FONGTIL), hasoru membru Governu na’in hitu, ne’ebé partisipa iha Expo Dubai foin lalais ne’e.

“Agora dadaun iha ona prosesu apuramentu ba iha faktus no informasaun sira ne’ebé mak iha, maibé hakarak hatete de’it katak, komu tama ona iha prosesu ida ne’e, ita tama ona iha kadeia de segredu justisa, tanba ne’e ma kami labele koalia buat ruma kona ba konteúdu husi deskobrimentu inisiál ne’ebé mak CAC hetan,” dehan Komisáriu Adjuntu Investigasaun Kriminál, CAC, Agusto da Costa Castro, iha Faról Díli, Kuarta (10/11).

Nia esplika, prosesu apuramentu ba faktus ne’e bainhira hatudu iha indísiu krime ruma, hafoin CAC enkamina ba Ministériu Públiku (MP) hodi prosesa governante hirak ne’e, tuir lei ne’ebé mak vigora.

“Tuir artigu 20 husi lei númeru 8/2009 ninian, iha ne’ebá hatete, depois halo servisu análiza ba informasaun faktus no prova sira, so iha konkluzaun tolu de’it, primeiru mak se iha kontein indísiu krime ruma ami sei enkamina ba Ministériu Públiku, liu husi auto partisipasaun, Segundu se laiha krime ami halo relatóriu rekomendasaun ruma ba iha autoridade sira ne’ebé mak involve iha Expo Dubai ne’e, atu bele hadia sistema sira iha tempu oin mai,” katak nia.

Membru Governu na’in hitu ne’ebé  FONGTIL hato’o denúnsia ba CAC iha loron 21 fulan Outubru tinan ne’e mak, Ministru Koordenadór Asuntu Ekonómiku (MKAE) Joaquim Amaral, Ministru Petróleu Minerais (MPM) Vitór da Conceição Soares, Ministru Transporte Komunikasaun (MTK), Jose Agustinho da Silva, Ministru Agrikultura no Peska (MAP) Pedro dos Reis, Ministru Turizmu Komérsiu no Indústria (MTKI) Jose Lucas do Carmo,  Vice Ministru Negósiu Estranjeiru no Kooperasaun (MNEK) Julião da Silva no Vise Ministru Turizmu Komérsiu Indústria (MTKI), Domingos Lopes, tanba konsidera, membru Governu hirak ne’e lori prejuíju ba Estadu.Ags

 

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker