GMN TV Justica e Segurança Governu aprova estatutu orgánika F-FDTL

Governu aprova estatutu orgánika F-FDTL

158 views

Liu husi reuniaun Konsellu Ministru (KM), deside aprova projetu dekretu Lei estatutu Orgánika Falíntil Forsa Defeza Timór Leste (F-FDTL) nian.

Projetu Dekretu lei ne’e atu halo reforma orgánika forsas armadas nian, ne’ebé permite, atu fó resposta adekuadu ba dezafiu sira, no misaun foun sira ne’ebé integradu liu hamutuk ho parseiru estratéjiku sira iha nivél rejionál no mundiál.

Projetu dekretu Lei estatutu Orgániku F-FDTL, ne’ebé aprova ne’e, iha espetativa katak, instituisaun ne’e,  sei halo servisu di’ak liu no organizadu liu tan.

 “Konsellu Ministru hahu ho aprova proposta husi ministru defeza, proposta ida hanaran estatutu organiku F-FDTL, ho aprovasaun diploma ida ne’e ita iha espetativa ida katak F-FDTL sei organiza nia aan di’ak liu no servisu gabinete sira iha F-FDTL nia laran mós bele halo servisu ne;ebé di’ak liu no organizadu liu”. Hateten Ministru Prezidensia Konsellu Ministru, Fidelis Manúel Leite Magalhaes (MPKM), iha Palasiu Governu Díli, semana ne’e.

Iha reuniaun KM ne’e mós Governu aprova projetu dekretu lei, ne’ebé aprezenta husi, ministru ensinu superior siensia no kultura (MESSK), Longuinhos dos Santos, kona ba estabelesementu rejime jurídiku, ba kuríkulu padraun nasionál ensinu superior nian.

No regulamentu sistema bináriu, rejime jurídiku ba grau, diploma sira ensinu superior nian,  sistema kréditu kalendériu letivu, sistema avaliasaun ba unidade kuríkular no konkluzaun ba programa estudu sira.Ags

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker