GMN TV Justica e Segurança Lere Anan Timur: joven sira mate, defende prinsípiu ukun rasik-an

Lere Anan Timur: joven sira mate, defende prinsípiu ukun rasik-an

128 views

Loron 12, fulan Novembru 1991 ne’ebé koñesidu ho Masakre Santa Cruz, hakerek ona iha Timor-oan ida-idak nia fuan katak, ne’e mak istória moruk ba juventude loriku asua’in sira ne’ebé ho aten-brani, se hirus matan hasoru kro’at inimigu nian, tan defende prinsípiu “mate ka moris ukun rasik an”.

Tinan ne’e ita komemora Masakre Santa Cruz ba dala-30 ona, tan ne’e Xefe Estadu Maior Jenerál FALINTIL-Forsa Defeza Timor-Leste (F-FDTL) Tenente Jenerál Lere Anan Timur hatete, ita ne’ebé sei moris tenke fó onra ba erói sira ne’ebé mate ona, tanba sira mate hodi defende ukun rasik an.

“Ita nia maluk sira ne’ebé ke mate, mate ona, ita atu hakoi diak ka hakoi la diak ka ita fó onra ka la fó onra ita halo hotu ona, be agora ita ne’ebé sei moris atu halo tan saida? Ne’e ha’u hanoin katak, ne’e reflesaun ba ita ne’ebé ke sei moris,” hatete, Lere Anan Timur, hafoin enkontru ho Prezidente Repúblika Francisco Guterres Lú Olo, Kuarta (10/11).

Max Stahl mak fó sai Timor-oan nia terus ba mundu

Husi trajédia ne’e, bele dehan sai naroman ba mundu hodi hateke ba povu Timor nia sofrimentu, liu husi filmajen ne’ebé grava husi saudozu Max Stahl kona-ba trajédia ne’e, ne’ebé konsege lori sai husi ativista Saskia Kouwenberg husi Olanda.

Max Stahl: Foto Espesial

“Laran triste ba ita-nia jornalista internasionál ida Max Stahl ne’ebé mak fó sai timor-oan nia terus no mate ba mundu, nia laiha karik dala-ruma mate mós kuitadu! ema la konta ba liur, ne mak ita fó tristeza boot ba sira” dehan Lere Anan Timur.

Matebian Christopher Wenner, ho naran koñesidu Max Stahl hanesan jornalista no dokumentalista Britániku, ne’ebé halo filmajen ba Masakre Santa Cruz iha tinan 1991, hodi fo sai ba mundu, no koloka topu ajenda internasional nian, ne’ebé sai hanesan kontribuisaun importante ba autodeterminasaun povu no nasaun Timor-Leste.

Max Stahl moris iha loron 6, fulan Dezembru tinan 1954, iha Reinu Unidu, no hakotu iis iha loron 28 fulan Outobru ne’e tinan ne’e, iha Brisbane Australia, tanba moras kánkru kakorok.

Selebrasaun Masakre Santa Cruz ba tinan ne’e, Governu liu husi Sekretária Estadu Juventude no Desportu (SEJD) deside ona tema ba selebrasaun tinan 30 Masakre ne’e mak “Ho Espíritu Asua’in 12 de Novembru nian, Joven Hanesan Autór Ida Hodi Proteje Timor-Leste husi COVID-19”.

Antes ne’e hahú hala’o ona reflesaun iha loron 27 no 28, fulan Outubru kalan iha Motael ba saudozu Sebastião Gomes nia mate, nomós sei kontinua reflesaun iha loron 11 kalan iha simitériu Santa Cruz.

Orsamentu ne’ebé aloka ba selebrasaun loron Masakre Santa Cruz ne’e hamutuk rihun USD 40 resin.Ben


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker