GMN TV Justica e Segurança Lere: Estadu tenke tau matan ba faluk no oan-ki’ak husi veteranu

Lere: Estadu tenke tau matan ba faluk no oan-ki’ak husi veteranu

108 views

Xefe Estadu Maior Jenerál, Tenente Jenerál Lere Anan Timur hatete, relatóriu ne’ebé fó sai husi Komisaun Omenajen no Konsellu Veteranu katak, kada tinan ida iha veteranu kuaze atus haat mak mate. Tanba ne’e nia sujere ba Governu atu tau matan ba feto-faluk no oan-ki’ak ne’ebé saudozu sira husik hela.

“Hakoi ho dignu, ho onra. Mas ita hotu-hotu tau matan ba sira ne’ebé sei moris, liu-liu faluk oan ki’ak, ne’e kompete ba ita-nia Estadu, kompete ba ita-nia Governu. Dala-ruma ita-nia membru balu koalia barak, halo promesa, maibé la implementa” Xefe Estadu Maior Jenerál, Tenente Jenerál Lere Anan Timur, iha nia intervensaun, Segunda (15/11), hafoin misa rekien, ba saudozu Domingos da Costa Santos ho kódigu “Domin” iha Metinaro.

Komandu F-FDTL promove saudozu Tenente Koronel “Domin” ba Postu Koronel

Komandu F-FDTL promove saudozu Tenente Koronel “Domin” ba Postu Koronel iha Metinaro Segunda (15/11/2021).

Komandu FALINTIL-Forsa Defeza Timor-Leste (F-FDTL) liu husi Xefe Estadu Maior Jenerál, Tenente Jenerál Lere Anan Timur, deside promove saudozu Tenente Koronel Domingos da Costa Santos ho kódigu “domin” ba Postu Koronel, hahú iha loron 14 fulan Novembru, tinan ne’e.

Promosaun ba saudozu “Domin” ne’e, bazeia ba despaixu númeru 004/XEMJ (Xefe Estadu Maior Jenerál) das F-FDTL/2021 ne’ebé asina husi Tenente Jenerál Lere Anan Timur.

Bazeia mós ba Dekretu Lei númeru 33/2020, loron 2, fulan Fevereiru, kona-ba estatutu foun militár F-FDTL no Defeza nian, artigu 7 kona-ba “Serviço efetivo nos QPO”. Iha nia konteúdu husi artigu ne’e esplika, “Serviço efetivo nos QP compreende a prestação de serviçopelos cidadãos que adquirem vínculo definitivo às F-FDTL”.

No tuir artigu 68 kona-ba “Promoção por distinção”, artigu ida ne’e iha, númer 3 hatete, “promoção por distinção é aplicável a todos os postosprevistos nas respetivas classes, sem alteração da formade prestação de serviço efetivo”.

Nune’e Xefe Estadu ne’e apela ba veteranu ne’ebé sei moris, tenke kuidadu ho saúde. “Dala-ruma ita rasik, lori ita-nia ignoránsia, lori ita-nia beik hakarak rezolve ita-nia problema saúde” tenik.

Maske saudozu Domingos da Costa Santos “Domin” nia isin-lolon lakon ona iha ita leet, maibé nia istória sei la lakon iha Timor-Leste. Tanba sira nu’udar libertadór ba nasaun nian, durante luta ba ukun rasik an.

“Ohin ita tanis, mas jerasaun tuir mai sei hamanasa, tanba ida ne’e mak bai-bain ita dehan katak, ohin ita tanis, mais ba jerasaun tuir mai sei hamnasa. Tanba ne’e bai-bain ita dehan katak, hakoi mate sira ne’e ho dignu, fó onra e glória, maibé mós tau matan ba sira ne’ebé ke sei moris. Labele ita hakoi tiha ema ne’ebé ke mate, hakoi mós sira ne’ebé ke sei moris, ida ne’e la justu” hakotu.

Saudozu Tenente Koronel Domingos da Costa Santos “Domin”, moris iha Mehara, Munisípiu Lautém iha loron 01, fulan Janeiru, tinan 1965. Saudozu mate ho idade 55 iha Ospitál Nasionál Guido Valadares (HNGV-sígla portugés), tanba moras komplikasaun.

Saudozu oan husi aman Roberto Gomes da Costa no inan Saraiva do Céu, saudozu husik hela nia kaben Cristinha dos Santos Cruz no oan na’in tolu.

Kona-ba partisipasaun saudozu iha luta libertasaun nasionál iha Frente Armada no mos Frente Klandestina, saudozu ninia dedikasaun eskluzivu 15 a 19, ho kondekorasaun “Ordem Loriku Asuwain”.

Saudozu fó nia-an tomak ba instituisaun F-FDTL, durante tinan 20 resin. Saudozu hala’o buat barak hanesan servisu militár, nomos partisipa iha treinamentu no kursu sira ne’ebé instituisaun haruka.Ben


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker