Tenente Jenerál Lere Anan Timur,la konkorda Xanana apoiu ema seluk ,hodi kompete ho nia, iha eleisaun prezidensiál (Elpres) ba tinan 2022-2027.
“Hau agora seidauk deside ,mas posa hau nia maun Xanana tula liman ba ema seluk hanesan tula ba Falur ka,tula ba Aluk ka,tula ba maun Nana ne’e hau konkorda ,maibe tula fali ba ema seluk ne’e hau dehan maun o moral laiha,hau hatete ba nia maun moral laiha hau deziste ona maun foti as liu fali nia do que hau maun la hatene katak,uluk iha ai laran ne’e hau atu fo hau nia vida ba ita bo’ot atu moris, ida ne’ebé o tula liman ne’e,dala ruma uluk hakarak ita bo’ot mate,hau la tau problema ,mas tamba Prezidente ne’e,ami mai husi ai laran ne’e husi kuadru superior sira ne’e,primeiru maun Xanana avansa tiha ona,tuir mai Taur mak avansa ona,depois tuir mai Lú Olo, mak avansa ona,agora tuir mai sé ita dehan katak,hau mos iha direitu ne’e,mas agora lakohi pasiensia mas hau FRETILIN nafatin” Xefe Estadu Maior Jenerál F-FDTL, Tenente Jenerál Lere Anan Timur,hato’o deklarasaun ne’e,hafoin hasoru malu ho Prezidente Repúblika,iha Palásiu Prezidensial,Aiatarak Laran,Kuarta (24/11/2021).
Xefe Estadu Maior Jenerál F-FDTL, Tenente Jenerál Lere Anan Timur, seidauk deside hodi sai kandidata-an ba Prezidente Repúblika, maibe wanhira Partidu FRETILIN fó fiar,nia pronto kandidata-an hodi kompete iha eleisaun prezidensiál (Elpres) iha tinan 2022-2027.
Maibe sé wanhira ,Tenente Jenerál Lere Anan Timur, kandidata-an ba Prezidente Repúblika, mak Kay Rala Xanana Gusmão,apoiu ema seluk hodi kompete ho Lere Anan Timur nia sei la konkorda, wanhira Xanana, hili ema ne’ebé uluk lakohi Timor ukun an.
Ba hirak ne’ebé assume Prezidente Repúblika ,hafoin Timor-Leste ukun an mak hanesan, Kay Rala Xanana Gusmão sai Prezidente Repúblika iha periodu 2002 to’o 2007, José Ramos Horta ,Prezidente Repúblika iha tinan 2007 to’o 2012, no Prezidente Repúblika ,Taur Matan Ruak ba periodu 2012 to’o 2017 no atul Prezidente Repúblika,Francisco Guterres Lú-Olo,ba periudu 2017 to’o 2022.Tos
