GMN TV Justica e Segurança Lere: reabilitasaun Aeroportu Baucau bazeia ba kooperasaun tékniku militár

Lere: reabilitasaun Aeroportu Baucau bazeia ba kooperasaun tékniku militár

78 views

Xefe Estadu Maior Jenerál FALINTIL Forsa Defeza Timor-Leste (F-FDTL), Tenente Jenerál Lere Anan Timur, hatete, reabilitasaun Aeroportu Baucau ne’e bazeia ba kooperasaun tékniku militár ne’ebé estabelese entre nasaun rua ne’e.

Nia afirma, iha prosesu ne’e hetan krítika barak husi públiku katak, reabilitasaun ne’e atu EUA estabelese nia baze militár iha Timor-Leste. Maibé Lere dehan, Timor-Leste mak sai na’in ba Aeroportu ne’e, la’os EUA.

Xefe Estadu hato’o asuntu ne’e hafoin enkontru hamutuk ho Asistente Adjunta Ministra Defeza EUA ba Ázia Súl no Sudueste Aziátiku, Lindsey W. Ford, no Ministru Defeza Filomeno Paixão, Kinta (11/11) iha Kuartel Jenerál Fatuhada Díli.

“Aeroportu Baucau, ha’u hanoin katak imi mós hotu-hotu hatene, rona molok atu hala’o servisu konstrusaun Aeroportu Baucau husi Amerikanu sira ita rona komentarius barak, pro kontra barak, i ha’u bele dehan katak ne’e inisiativa ha’u nian, ami na’in rua Almirante Jenerál Amerikanu, Xefe Estadu Maior Jenerál Amerikanu ami nia komversa, ami koalia se bele ajuda ami tenke reabilita ami nia aeroportu, i nia hato’o ba nia Governu, nia Governu simu. Entaun ita nian ha’u mai hato’o iha ita-nia Governu, ita-nia Governu simu, simu ne’e maka sira pronto halo reabilita ita-nia aeroportu Baucau,” dehan Lere Anan Timur,

No aeroportu ne’e termina ona nia prosesu reabilitasaun, Estadu TL mak sei fó nia destinu utilizasaun ba aeroportu sivíl ka militár.

“Primeiru ita tenke konfia ema no konfia ita-nia aan katak ha’u mak rai na’in, ha’u fó mak fó, la fó la fó” tenik nia.

Asistente Adjunta Ministra Defeza EUA ba Ázia Súl no Suduéste Aziátiku, Lindsey W. Ford, hatete, aerodromu ne’e la’os uza de’it ba militár nian, maibé uza mós ba aviasaun sivíl nian. No sei lori mós vantajen iha setór turízmu no komersiu.

No progresu reabilitasaun aerodromu Baucau, dadaun ne’e hahú ona hamos pista, depois mak konstroi lutu perímetru haleu Aeroportu ne’e.

“Agora ne’e komesa ona atu hamos pista iha Aeroportu Baucau ne’e, reabilita pista ne’e uluk pois konstrui lutu perímetru haleu aeroportu Baucau para aban-bainrua uza ba responde dezastre natural, apoi umanitáriu” katak Lindsey W. Ford.

Iha komprimisiu seluk, EUA kontinua hametin kooperasaun hodi fó formasaun no kapasitasaun ba F-FDTL iha futuru.

Reabilitasaun ba aerodromu ne’e hetan alokasaun osan mai husi EUA rasik no Governu TL liu husi Ministériu Defeza hamutuk millaun USD 10.6.avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker