GMN TV Justica e Segurança Mensajen Lere Anan Timur ba EUA no Xina TL lakohi funu ,maibe hakarak dezenvolvimentu

Mensajen Lere Anan Timur ba EUA no Xina TL lakohi funu ,maibe hakarak dezenvolvimentu

419 views

Tenente Jenerál Lere Anan Timur, nia mensajen ba Estadus Unidus Amerika (EUA) no Governu Xina,hatete, Timor-Leste (TL) lakohi funu ,maibe hakarak dezenvolvimentu ,paz no estabilidade.

“Ba ita prinsipiu mak ne’e,ita hakarak sai amigo ba ema hotu-hotu ita lakohi sai inimigu ba ema ida,agora sira EUA ho Xina sira atu han malu ka la han malu ne’e problema sira nian ita labele interven to’o iha ne’eba ka lae?problema mak nasaun kikuan sira mak sai vítima ”Ne’e mak hau hatete bebeik ba Amerika no Xines sira hau dehan katak,ami Timor ne’e hakarak lori imi nia paz imi nia progresu dezenvolvimentu mai ami nia rai laran,ami lakohi funu ida ne’e mak mensajen ita fó ba sira” Xefe Estadu Maior Jenerál F-FDTL, Tenente Jenerál Lere Anan Timur,hatete lia hirak ne’e, hafoin hasoru malu ho Prezidente Repúblika,iha Palásiu Prezidensial,Aiatarak Laran,Kuarta (24/11/2021).

Estadus Unidus Amerika, ne’ebé apoiu orsamentu atu hala’o rehabilitasaun aeroportu Baucau no nasaun Xina mós sei halo konstrusaun Ospitál Militár ba F-FDTL, Tenente Jenerál Lere Anan Timur, hatete, sei la fó impaktu ba nasaun Timor-Leste, tamba Timor hakarak sai amigo ba nasaun hotu.

Tenente Jenerál Lere Anan Timur, esplika problema entre Estadus Unidus Amerika ho Xina ,Timor sei la intervene,tamba ne’e problema entre nasaun  rua (2) refere.

Tamba ne’e, Xefe Estadu Maior Jenerál F-FDTL, Tenente Jenerál Lere Anan Timur, hato’o mensajen ba nasaun rua ne’e katak, Timor hakarak lori nasaun rua ne’e nia progresu no dezenvolvimentu mai iha rai laran no sei lakohi akontese funu iha Timor-Leste.

Alende Xina sei hari’i ospitál militár ba F-FDTL,Governu Xina mós apoiu Governu hodi hari’i uma Atus Ida (100) ba F-FDTL iha Metinaro.

Rehabilitasaun aeroportu Baucau, Estadus Unidus Amerika fó apoiu orsamentu Tokon Sanulu (10), atu konstroi lutu haleu aeroportu,rehabilita pista, hari’i armajen ba kareta, oferese aviaun ida inklui formasaun konaba aviaun nian.Tos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker