GMN TV Justica e Segurança Sidadaun Indonézia ida mate iha uma-kost, Kuluhun

Sidadaun Indonézia ida mate iha uma-kost, Kuluhun

559 views

Sidadaun Indonézia ida mate iha uma-kost, iha Suku Kuluhun, Postu Administrativu Cristo Rei, Munisípiu Díli, no Polísia FORENSIK ho doutor espesialista patolojia sira rekolla ona mate-isin hodi submete ba autópsia. Sidadaun ne’e ho identidade Rahmat, tinan 50, orijin husi Surabaya Indonézia.

Polísia rekolla mate-isin ne’e, hafoin simu informasaun husi kost na’in Jhon Chun Te, iha Suku Kuluhun, Díli, iha Segunda (22/11/2021),  mais ou menus  tuku  ida meiudia oras Timor-Leste.

Polísia Servisu Investigasaun Kriminál Eskuadra Nain-Feto, to’o uluk iha fatin Kuluhun hodi dada liña Polísia (Police line) haleu lokál krime nian hodi asegura mate-isin ne’ebé iha hela kuartu laran. Hafoin ne’e iha tuku 1 meiudia, oras Timor-Leste, Polísia FORENSIK no doutor Patolojia, to’o iha fatin akontesimentu hodi husu lisensa ba kost na’in Jhon Chun Te, hodi lori ai-suak, selok odamatan, nune’e tama ba iha kuartu-laran hodi haree mate-isin ne’e.

Sidadaun ne’e mate oin latan ba ajulezu-leten ho kondisaun ran no oin metan hotu. Doutór Patolojia foti mate-isin tau ba plastik mutin ida falun metin hafoin akompaña husi membru Polísia FORENSIK lori mate-isin ne’e ba tau iha karreta FORENSIK nian, hodi lori ba mortuáriu Hospital Nasionál Guido Valadares (HNGV), hodi submete ba autópsia.

Tuir prosesu normal autópsia nian, bainhira deskobre nia motivu husi mate ne’e, molok entrega ba Embaixada Indonézia iha Timor-Leste, atu haruka fila ba família sira iha Surabaya, hodi hala’o seremónia fúnebre.

Kos na’in, Jhon Chun Te, hateten, maske nia fó aluga uma ba sidadaun Indonézia ne’e hela, maibé tinan rua, matebian seidauk selu uma-kost, tanba matebian antes sei moris, dehan halo ona kontratu ho uma-na’in atu selu de’it motorizada Kawasaki ida, ho nia speed 150 CC.

Matebian uluk sei moris, hala’o nia atividade fa’an motorizada iha loja ida iha Kuluhun, maibé tanba situasaun COVID-19, impaktu ba sidadaun ne’e la kontinua nia negósiu.

“Matebian aluga uma ne’e kuartu ida, maibé ami hela iha Audian. Durante fulan neen nia laran ami telefone nia la atende, tanba nia la selu kost. Tinan rua nia la selu kost, ami mós husik hela nia,” esplika Jhon Chun Te, ba jornalista, Segunda (22/11), iha Kuluhun.avi


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker