Enerjia eletrisidade ne’ebé lakan-mate iha teritoriu nasional ne’ebé akontese iha Kuarta (20/12/17) kalan, deputadu bankada FRETILIN iha Parlamentu Nasional, Francisco Miranda Branco, husu Governu atu investiga tékniku EDTL.
“Governu presija halo investigasaun klean kona ba situasaun ne’e, tanba bele fo impaktu ba nesesidade uma laran hotu avaria bainhira ahi mate,”Esplika deputadu bankada FRETILIN, Francisco Miranda Branco, ba jornalista iha PN, Kinta-feira (21/12/2017).
Husi sorin Seluk, Xefi Bankada KHUNTO, Luis Roberto, mós husu ba tékniku EDTL, atu tau atensaun ba mákina eletrisidade, iha sentral eletrika sira.
Maibe primeiru ministru Marí Alkatiri mós rekoñese katak, enerjia eletrika ne’ebe mate iha Kuarta-feira kalan, tanba problema tékniku iha sentral eletrika rua, maibe ekipa tékniku konsege rezolve ona.
Entretantu, iha Kuarta-Feira kalan ne’e enerjia eletrika iha teritoriu Timor-Leste kuaze mate hotu, durante oras rua nia laran, tanba problema tékniku iha sentral eletrika sira ne’ebé iha.Say
