Tribunal Distrital Dili, Sesta (15/12) hasai desizaun final hodi kondena arguida Ana da Silva Ximenes ho pena prizaun tinan 18, tanba tribunal konsidera arguida komete duni krime omesidiu hodi oho mate nia amante.
Arguida Ana oho nia amante DCB iha pura Taibesi ho kuak sia, tanba arguida rasik la aguenta ho DCB nia hahalok ne’ebe halo torturasaun bebeik ba nia.
Liu husi leitura akordaun juiz prezidente Duarte Tilman hatete, faktus akuzasaun husi Ministeriu Publiku aprovadu hotu, tribunal konsidera laos krime omesidiu agrvadu, maibe omesidiu simples, tanba arguida halo asaun ne’e laos planu no la iha intenasaun.
Arguida mos konfesa imparsialmente nia hahalok ne’e ba tribunal.
“Tribunal konsdera faktus ne’ebe todan liu mak arguidaa deklara iha tribunal katak, nia hadomi tebes vitima, maibe realidade arguida oho fali vitima ho kuak sia kedas, kuandu arguida hadomi vitima nia sei la oho vitima ho kuak sia,’’ dehan juiz Duarte iha sala audensia tribunal.
Tuir juiz koletivu ba prosesu ne’e, komarka tinan 18 mak justu ba arguida, maibe la taka dalan ba arguida atu halo rekursu kontra desizaun primeiru instansia.
TDD mos la kondena arguida ba kustu judisial, tanba arguida nia kondisaun ekonomia la iha no nia an sira mos arguia nia inan mak hare.
Antes ne’e tuir akuzasaun husi Ministeriu Publiku katak, iha loron 29 fulan Maiu tinan 2017, tuku 5.00 madrugada iha Taibesi, sasin Cesar fila husi festa loke odamatan atu ba nia kuartu laran, la kleur vitima DCB bolu sasin Cesar dehan sai mai lai ema nia inan ne’e sona tiha hau, sasin sai mai hare arguida kaer tudik sona hela vitima nia kabun no vitima mos kae metin hela arguida n ia liman ne’ebe kaer tudik belit hela iha vitima nia kabun.
Vitima toba latan iha sementi laran arguida ho pozisaun hakneak iha vitima nia oin, entaun sasin mos tauk halai loke odamatan ba liur ho intensauna tu bolu vitima nia familia sira no sasin dehan ba arguida o labele halai hau ba bolu nia familia lai.
Kuandu sasin sai arguida deskontroladu hasai tudik ne’e hodi sona dala barak iha vitima nia kabun no hirus matan no kauza husi vitima sona dala barak ne’e hamosu kuak tudik fatin sia iha vitima DCB nia isin lolon no halo nia te oan mos sai.
Ho arguida nia hahalok ne’e mak Ministeriu Publiku akuza arguida ho krime omisidiu agravadu previstu iha artigu 139 kodigu penal Timor-Leste.nia
