Joven ida ho inisial JS ho kondisaun lanu hetan agresaun fíziku husi joven sira iha área Motael, nune’e wainhira Amu Parókia Motael, Guilhermino da Silva, tenta hapara konflitu ne’e, maibe joven ho inisial JS liman kona Amu Guihermino da Silva, maibe la hetan kanek ruma.
Kazu ne’e akontese Sesta (21/12/18) mais ou menus tuku 08:00 dadersan oras Timor-Leste.
Relasiona ho kazu refere, joven Motael, kaptura suspeitu JS lori ba iha Eskuadra Vera-Cruz Polísia hodi submete ba prosesu investigasaun iha Eskuadra Vera-Cruz Munisípiu Díli, maibe Amu Guilhermino da Silva husu autoridade seguransa fó livre ba joven ne’e hodi fila ba uma.
“Suspeitu ne’ebé mak investiga dadauk iha Vera-Cruz, tanba iha informasaun inisial ne’ebé mak rona katak nia halo asaun hasoru amu Parokia Motael Guilhermino da Silva. Tanba ne’e mak Amu mós iha Eskuadra Vera-Cruz hodi presta deklarasan lalaok akontesimentu ne’e, espera katak, seksaun investigasaun ami orienta ona para halo identifikasaun kompletu prosesual sira ne’e iha narativu importante presiza atu detein ita bele detein, se narativu sira la kompletu ita nafatin komprementa nafatin kodigu prosesu penal hodi bele identifika suspeitu dehan katak, nia liman kona Amu”,esplika Segundu Komandante PNTL Munisípiu Díli Superintendente Assistente Euclides Belo, ba jornalista sira Sesta (21/12/18) iha Kuartel PNTL Díli.avi
