GMN TV Justica e Segurança AIFAESA prende sigaru ilísitu slop 228

AIFAESA prende sigaru ilísitu slop 228

0 views

Autoridade Inspesaun no Fiskalizasaun Atividade Ekonómika no Sanitária Alimentar (AIFAESA), hala’o inspesaun ba loja sira kapital Dilí, hodi hare fugeti neebe fan inklui sigaru ilísitu, durante inspesaun AIFAESA prende sigaru ilisítu slop 228 no masu 38, iha loja 4 iha área Kampu- Baru Comoro Dilí.

Diretór operasaun AIFAESA, Gabriel da Costa, hatete inspesaun neebe AIFAESA halo atu halo kontrolo ba loja sira neebe fan fugeti liu-liu iha kapital Dilí, tamba nee AIFAESA koopera ho Polísia  Nasional Timor-Leste (PNTL) Munisipiu Díli, atu servisu hamutuk hodi halo inspesaun ba loja sira.

 “ Ohin ami kobre loja sira iha kapital Díli, maibe la kongese indetifika fugeti, tamba nee ami nafatin husu ba komunidade sira, karik hetan informasaun konaba ema fan fugeti, atu fo informasaun ba parte AIFAESA no PNTL, hodi halo atuasaun, dehan  Diretor Operasaun AIFAESA, Gabriel da Costa, ba Jornalista sira kinta (20/12/2018) iha Kampu-Baru Dilí.

Nia dehan, iha inspesaun AIFAESA konsege prende sigaru ilisíto sira ne’ebe Governu bandu labele fa’an, iha loja Xineza 4 iha área Kampung-Baru Comoro,no haree loja nain sira barak mak lohi bainhira AIFAESA kona-ba sigaru refere.

“ Ami sei halo prosesu ba loja nain sira ne’ebe komete infrasaun, tuir lei númeru 14/2016, inklui aplika multa ba sira ho montante osan kiik mak U$S dolar amerikanu 100 no boot mak U$S dolar amerikanu 5000, sigaru hirak ne’e ami prende sei lori ba iha AIFAESA, hodi hein prosesu hafoin halo distroisaun”,sublinha Gabriel da Costa.

Iha fatin hanesan, Komandante Investigasaun Munisipiu Díli, Mateus da Costa Texeira, hatete tuir orientasaun husi Komandu Munisipiu Díli, katak PNTL kontinua lao nafatin ho AIFAESA hodi halo inspesaun ba loja sira, ne’ebe fa’an fugeti inklui sasan ne’ebe liu prazu.

“ Polísia  sei nafatin halo operasaun tuir oras, no kualker fatin ne’ebe deit kuandu Polísia  identifika, tuir diploma Ministerial ga Ministériu kompetente ne’ebe halo despaisu ba Ministériu konjunto, mai iha Polísia  hodi hare asunto fugeti urgentemente, tamba ne’e hahu husi loron 15 fulan Dezembru to’o  loron 15 Janeiru PNTL sei halo operasaun 20 horas”,esklarese Mateus da Costa

Tamba ne’e PNTL, nafatin husu ba komunidade sira hotu atu wainhira hetan sei deit mak fa’an fugeti iha kualker fatin, tenke informa ba iha Polísia  atu bele foti medida ba kestaun ne’e. Fel


Banner

Foto

Notisia Ikus

Despede Lú Olo, PM Taur prontu servisu hamutuk ho PR eleitu

May 19, 2022
Primeiru Ministru (PM), Taur Matan Ruak, ho jest...

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker