GMN TV Justica e Segurança Feto Timor nain 8 ema bosok ba pasa vida “aat” iha Xina "Posibilidade deporta mai TL"

Feto Timor nain 8 ema bosok ba pasa vida “aat” iha Xina "Posibilidade deporta mai TL"

0 views

Kompañia Timor-oan balun halo kooperasaun ho kompañia Xina balun hodi rekruta ilegalmente feto joven Timor-oan nain 8 ba servisu iha Xina, maibe ba hodi hala’o fali servisu hanesan vida “a’at” ninian (sex slave ka budak sex). Tanba ne’e agora dadauk  sei iha hela prosesu nia laran no posibilidade deporta mai Timor-Leste (TL).

 ``Los duni  Timor-oan balun mak lori  fali  ita-nia oan feto joven sira  dehan ba servisu no fim ba halo buat seluk. Ita-nia Embaixada Timor-Leste iha  Xina  no adidu Migrasaun seguransa iha Xina informa ha´u katak los duni agora sei iha prosesu hela, prosesu hela bainhira mak sira atu deporta mai ka atu prosesu iha ne´eba depois mak  ita hein rezultadu”,esplika Komanante Jerál PNTL Komisariu Julio Hornay, ba  Jornalista sira Tersa (18/12/18) iha Kuartel Jerál PNTL Díli.

Julio Hornay dehan,  suspeitu identifika  patraun ne´ebé mak fasilita Timor-oan sira ba Xina, tanba  agora dadauk ema ne´e sei  hamutuk ho joven feto sira iha nasaun Xina.

``Tanba  ne´e mak ha´u sempre fó hanoin ba públiku ba inan-aman, joven Timor tantu feto no  mane, kuandu ema ruma Timor ka estranjeiru mai informa ita dehan servisu  ida  iha estranjeiru, presiza ema ida hanesan ne´e, mas imi hato’o ba autoridade sira ne´ebé iha kompetensia para imi hetan informasaun ne´ebé kompletu,  inves de ita ba hetan osan, ita sai vítima fali, ne´e mak inan-aman ténki toma aténsaun karik oan feto ka mane ruma mai hateten apa-ama ami hetan oportunidade atu ba servisu, ba servisu iha  ne´ebé? se mak urus imi ba? informa ba autoridade, Xefi Suku mós iha Polísia mós besik iha Eskuadra no Ofisial Polísa mós iha informa ba sira, karik emprezariu balun lori ba ami nia oan ba servisu ne´e, imi koñese ka lae? los ka lae para autoridade lokal ho Polísia buka tuir,  labele simu nonok trata pasaporte nonok de´it, pasaporte ema mak urus hotu, depois osan sira mak suporta, ida ne´e lalos ida, ne´e ninia impaktu negativu ne´e bo’ot tebes”,dehan Julio Hornay.

Julio Hornay  hateten, hanesan ida  legal mak SEFOPE, ne´e katak Estadu ba Estadu.

``Ita ba subar-subar ne´e problema bo’ot, ita sai husi Timor ema bosok dehan manan osan bo’ot hakat tiha ona tasi to’o iha Bali Indonesia ita nia pasaporte sira mak kontrola ita book-an ladiak, telefone ema rekolla hotu, problema ba ita``,dehan Julio Hornay.avi


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker