GMN TV Justica e Segurança Konstroi Portu Naval, MD propoin ba OJE 2020

Konstroi Portu Naval, MD propoin ba OJE 2020

0 views

Ministru Defeza (MD), Filomeno Paixão de Jesus, deklara, MD sei propoin orsamentu ba Portu Naval FALINTIL-Forsa Defeza de Timor-Leste (F-FDTL) Hera, munisípiu Díli, ba Orsamentu Jeral Estadu 2020, tanba OJE 2019 ne’e foka liu ba sosa asaun husi kompañia  internasionál petrolífera ConocoPhillips no Shell ninian.

“Atu konstroi portu naval Hera, ami propoin hotu ba iha OJE 2019, maibé iha konsiderasaun husi komite ninian muda fali ba iha OJE 2020, tanba ita akizisaun de asaun ba iha ConocoPhillips no Shell ninian, ne’ebé tinan oin (2019) ami sei propoin nafatin ba OJE 2020”, MD ba jornalista sira iha resintu uma fukun Parlamentu Nasional (PN), Segunda (17-12-2018).

Nia esplika, razaun seluk konstrusaun portu Naval Hera la halo iha tinan 2019, tanba MD sei halo estudu klean ida, para iha tinan 2020 hein propoin halo konstrusaun de’it.

“Ohin imi haree iha proposta ida iha ne’e, hatama osan ba iha F-FDTL atu selu konsultores para tama hotu ba portu naval Hera ninian no manutensaun ró ninian, halo estudu tiha para tinan oin ita propoin halo konstrusaun”, haktuir Filomeno Paixão.

Nia akresenta, dezeñu no Term Of Reference (TOR) maka ne’e iha ona, nune’e hein de’it husu tan osan para halo portu refere iha tinan 2020.

“Ho ha’u projetu atu halo portu naval Hera ne’e, sei halo tenderizasaun foun, nune’e sei la uza kompañia  ne’ebé maka tender ona”, dehan MD ne’e.

Entretantu antes ne’e, kompañia  husi nasaun ho naran Australia Lifese Engineering maka manan tender atu konstrui portu portu naval F-FDTL, ho kustu millaun USD 7, maibé to’o agora la konstrui portu refere, iha Hera, munisípiu Díli. ves

 


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker