Xefe Estadu Maior Jeneral FALINTIL Forsa Defeza Timor-Leste (F-FDTL) Major Jeneral, Lere Anan Timur, lamenta ho membru Governu Timor-Leste balun ba asisti seremonia pengesahan (Sa’e sintu) artemarsiais iha nasaun viziñu Repúblika Indonézia (RI) liu-liu artemarsiais ne´ebé mak antes ne’e Governu desidi taka ona iha rai- laran.
``Foin dadauk ha´u rona informasaun ida que ita moe, tristi membru Governu balun ba asisti fali sa’e sabuk iha Indonesia ne´e cobardia, Timor-oan nunka halo buat ne´e, ha´u mate ba Timor, se ita-nia maluk barak ran fakar ba rai Timor, ita ne´ebé mak agora moris se aban bainrua ita mate mós mate ba Timor, ita-nia pozisaun ida de´it``,esplika Lere Anan Timur, ba jornalista sira Kinta (13/12/18) liu husi konferensia ba imprensa iha Kuartel Jeral PNTL, Díli.
Tanba ne´e, Lere apela ba ukun nain sira atu koloka a´an nu´udar ema ne’ebé mak ukun duni Timor.
``So imi mak bele lori ita-nia povu ba moris iha dezenvolvimentu nia laran no moris iha progresu nia laran ou estabilidade nia laran``,dehan Lere Anan Timur.avi
