Provedora Provedoria Direitus Humanus no Justisa (PDHJ), Jesuína Maria Gomes, sujere ba departamentu Jestaun Merkadoria Munispiu Díli(JMMD) atu dezeña karosa ne’ebé kapas ba vendedor sira ne’ebé fa’an nuu iha estrada públiku.
Diretora Provedoria Direitus Humanus no Justiza (PDHJ) Jesuína Maria Gomes hato’o sujestaun ne’e iha nia diskursu wainhira hala’o enkontru ho autoridade munisipiu Díli hodi koalia konaba kooperasaun servisu entre instituisaun 2 ba futuru, iha munisipiu Díli, Caicoli Díli, Kinta(13/12).
“Iha ita nia ultimu enkontru iha mos hanoin ruma katak talves la’os 2019, maibe bele planu ba futuru para oinsa ita boot sira hamosu idea ruma para dejeñu gerobak sira ne’e halo bonitu bonita oituan hanesan gerobak nuu”,hateten Diretora Provedoria Direitus Humanus no Justiza (PDHJ) Jesuína Maria Gomes iha nia diskursu.
Nia afirma, iha Nasaun balun ne’ebé nia vizita hanesan Brazil hetan vendedor sira fan nuu besik iha katedral oin no fatin publiku balun maibe sira nia karosa ne’e mai ho dejeña ne’ebé kapas.
“Ne’ebé ha’u hanoin ne’e ideia ida aban bairua ita boot sira bele tau iha planu i nia mekanismu ne’e oinsa konforme imi, imi dejeñu tiha ba mak sira halo ga, ou imi aranja tiha ba mak sira kredit, ne’e kestaun teknika,”hatutan Jesuína Gomes.
Nia hateten, dejeña ne’ebé kapas ba karosa fan nuu sira iha estrada publiku atu bele asegura nafatin sidade Díli nia furak.
“Ne’e para ita asegura nafatin sira nia direiru atu hetan ekonomiku nian maibe sidade ne’e nia furak ne’e mos ita haree nafatin”, Jesuína Maria Gomes sujere.ías
